ചര്‍മസംരക്ഷണത്തിന് ദിവസവും കുറച്ചു സമയമെങ്കിലും മാറ്റിവയ്ക്കാത്തവര്‍ കുറവായിരിക്കും. ഇതിനായി കൂടുതലും കെമിക്കലുകള്‍ അടങ്ങിയ ഉല്‍പ്പന്നങ്ങളായിരിക്കും ഉപയോഗിക്കുന്നത്. എന്നാല്‍ ഔഷധഗുണങ്ങളുള്ള ചേരുവകള്‍ വീട്ടില്‍ തന്നെ ഉള്ളപ്പോള്‍ അതുപയോഗിച്ചു നമുക്ക് ചുളിവുകളും പാടുകളുമില്ലാത്ത കൊറിയന്‍ ഗ്ലാസ് സ്‌കിന്‍ ഉണ്ടാക്കിയെടുക്കാവുന്നതാണ്. ഇത് നമുക്ക് വീട്ടില്‍ തന്നെ തയാറാക്കാം.

ചേരുവകള്‍

അരി - 2 ടേബിള്‍ സ്പൂണ്‍
ഉലുവ- ഒരു ടേബിള്‍ സ്പൂണ്‍
വെള്ളം - അര ഗ്ലാസ്

തയാറാക്കുന്ന വിധം

ഒരു ചെറിയ ബൗളിലേക്ക് ഒന്നരകപ്പ് വെള്ളമെടുക്കുക. ഇതിലേക്ക് നന്നായി കഴുകിയെടുത്ത അരിയും ഉലുവയും ഇട്ടുകൊടുക്കുക. ശേഷം ഇത് കുതിരാന്‍ വയ്ക്കുക. (തലേദിവസം രാത്രി ഇട്ടുവച്ചാല്‍ പിറ്റേ ദിവസം രാവിലെ എടുക്കാം.) പിറ്റേ ദിവസം ഇതേ വെള്ളത്തില്‍ തന്നെ അരിയും ഉലുവയും 10 മിനിറ്റ് വേവിച്ചെടുക്കണം. ചൂടാറിയ ശേഷം നന്നായി അരിച്ചെടുത്ത് സ്‌പ്രേ ബോട്ടിലിലേക്കു മാറ്റാവുന്നതാണ്. ഫ്രിഡ്ജില്‍ വച്ചാല്‍ ഒരാഴ്ചവരെ ഉപയോഗിക്കാവുന്നതാണ്. 

രാത്രി കിടക്കാന്‍ പോകുന്നതിനു മുമ്പ് മുഖം നന്നായി കഴുകി ഉണങ്ങിയതിനു ശേഷം അല്‍പം ടോണര്‍ എടുത്ത് മുഖത്തു സ്‌പ്രേ ചെയ്യാം. ശേഷം ഉറങ്ങാന്‍ കിടക്കുക. രാവിലെ എഴുന്നേറ്റ് തണുത്തവെള്ളത്തില്‍ മുഖം കഴുകാവുന്നതാണ്.