ശ്രീനഗർ: വെടിനിർത്തൽ പ്രാബല്യത്തിൽവന്ന് മണിക്കൂറുകൾക്കകം പാകിസ്ഥാന്റെ ഭാഗത്തുനിന്ന് കരാർ ലംഘനം. ജമ്മു കശ്മിരിലെ നിയന്ത്രണരേഖയിൽ വിവിധയിടങ്ങളിൽ പാക് സൈന്യം വെടിയുതിർക്കുകയും ഡ്രോൺ ഉപയോഗിച്ച് ആക്രമണം നടത്തുകയും ചെയ്തതായാണ് റിപ്പോർട്ട്. 

ഉദ്ധംപുരിൽ പാക് ഡ്രോൺ ആക്രമണ ശ്രമം വ്യോമസേന പരാജയപ്പെടുത്തി. കൂടാതെ ശ്രീനഗറിലുടനീളം സ്ഫോടന ശബ്ദം കേട്ടതായി ജമ്മു കശ്മിർ മുഖ്യമന്ത്രി ഉമർ അബ്ദുല്ല സമൂഹമാധ്യമങ്ങളിലൂടെ അറിയിക്കുകയും ചെയ്തു. വെടിനിർത്തലിന് എന്താണ് സംഭവിച്ചതെന്നും അദ്ദേഹം ചോദിച്ചു. വെടിനിർത്തൽ ലംഘനം സംബന്ധിച്ച് ഇന്ത്യയുടെ ഭാഗത്തുനിന്നോ പാകിസ്ഥാന്റെ ഭാഗത്തുനിന്നോ ഔദ്യോഗിക പ്രതികരണം ഉണ്ടായിട്ടില്ല.