ദുബൈ: റോഡിലെ ഹാർഡ് ഷോൾഡർ ഉപയോഗിച്ച് ഓവർടേക്ക് ചെയ്യരുതെന്ന് ഷാർജ പൊലിസ് വാഹനമോടിക്കുന്നവർക്ക് മുന്നറിയിപ്പ് നൽകി. ജീവൻ അപകടത്തിലാക്കുന്നതും അടിയന്തര സേവനങ്ങൾ വൈകിപ്പിക്കുന്നതുമായ ഗതാഗത നിയമലംഘനമാണിത്. "ജാഗ്രത പാലിക്കുക, ശ്രദ്ധയോടെ കടന്നുപോകുക" എന്ന റോഡ് സുരക്ഷാ കാമ്പയിനിന്റെ ഭാഗമാണ് ഈ മുന്നറിയിപ്പ്. 

കാമ്പയിനിന്റെ ഭാഗമായി, തിരക്കേറിയ സമയത്ത് വാഹനങ്ങൾ ഹാർഡ് ഷോൾഡർ ഉപയോ​ഗിച്ച് ഓവർടേക്ക് ചെയ്യുന്നത് കാണിക്കുന്ന ഒരു വീഡിയോ ഷാർജ പൊലിസ് ഔദ്യോഗിക സോഷ്യൽ മീഡിയ പ്ലാറ്റ്‌ഫോമുകളിൽ പങ്കുവച്ചു. 

ഫെഡറൽ ട്രാഫിക് നിയമത്തിലെ ആർട്ടിക്കിൾ 42 പ്രകാരം, ഇത്തരം നിയമലംഘനങ്ങൾക്ക് 1,000 ദിർഹം പിഴ ഈടാക്കും. കൂടാതെ, കുറ്റവാളിയുടെ ഡ്രൈവിംഗ് ലൈസൻസിൽ ആറ് ബ്ലാക്ക് പോയിന്റുകളും ഉൾപ്പെടുത്തും.

'നിയമങ്ങൾ എല്ലാവർക്കും ബാധകമാണ്'

ഷാർ പൊലിസ് പുറത്തിറക്കിയ വീഡിയോയിൽ, തിരക്കുള്ള സമയത്ത് ഒരു വാഹനം ഹാർഡ് ഷോൾഡർ ഉപയോ​ഗിച്ച് മറികടക്കുന്നത് കാണാം. ഒരു പൊലിസ് ഉദ്യോഗസ്ഥൻ ഇപ്രകാരം വിവരിക്കുന്നു: “ഗതാഗതക്കുരുക്ക് ദൈനംദിന റോഡ് ജീവിതത്തിന്റെ ഭാഗമാണ്, പക്ഷേ നിർഭാഗ്യവശാൽ, നിയമങ്ങൾ തങ്ങൾക്ക് ബാധകമല്ലെന്ന് കരുതി ചില ഡ്രൈവർമാർ ലൈൻ ഒഴിവാക്കുന്നു.” ഷോൾഡർ അടിയന്തര സാഹചര്യങ്ങൾക്ക് മാത്രമുള്ളതാണ് - ഒരു കുറുക്കുവഴിയല്ല എന്ന് അദ്ദേഹം വ്യക്തമാക്കുന്നു. 

الطريق للجميع، والتزامك يحفظ الأرواح.
The road is for everyone your commitment saves lives#شرطة_الشارقة#shjpolice#مجتمع_آمن_وشرطة_رائدة#الشارقة_إمارة_صحية pic.twitter.com/Qfqg5fytSL

— شرطة الشارقة (@ShjPolice) May 10, 2025

Sharjah Police have released footage showing drivers utilizing the hard shoulder to alleviate traffic congestion. This initiative aims to reduce traffic jams and promote smoother traffic flow on Sharjah's roads. The police encourage drivers to follow this practice during peak hours [1].