ദുബൈ: യുഎഇയിലെ റോഡുകളിൽ 2024-ൽ മാത്രം ശബ്ദമലിനീകരണവുമായി ബന്ധപ്പെട്ട 7,222 നിയമലംഘനങ്ങൾ രേഖപ്പെടുത്തിയതായി ആഭ്യന്തര മന്ത്രാലയത്തിന്റെ കണക്കുകൾ. 

കാർ ഹോണുകൾ ദുരുപയോഗം ചെയ്തതിനും ഉച്ചത്തിലുള്ള സംഗീതം മുഴക്കിയതിനും 3,054 കേസുകൾ രേഖപ്പെടുത്തിയിട്ടുണ്ട്. അതേസമയം, 4,168 നിയമലംഘനങ്ങൾ വാഹനങ്ങളുടെ അമിത ശബ്ദവുമായി ബന്ധപ്പെട്ടതാണ്, പലപ്പോഴും നിയമവിരുദ്ധമായ എഞ്ചിൻ പരിഷ്കാരങ്ങളോ അശ്രദ്ധമായ ഡ്രൈവിംഗ് ശീലങ്ങളോ ആണ് ഇത്തരം നിയമലംഘനങ്ങൾക്ക് വഴിയൊരുക്കുന്നത്. 

ദുബൈ, അബൂദബി എന്നിവിടങ്ങളിലാണ് ഏറ്റവും കൂടുതൽ കേസുകൾ റിപ്പോർട്ട് ചെയ്തിരിക്കുന്നത്. ഹോൺ ശബ്ദത്തിനും, അമിത ശബ്ദത്തിലുള്ള സംഗീതത്തിനും, ദുബൈയിൽ 1,622 നിയമലംഘനങ്ങൾ രേഖപ്പെടുത്തിയപ്പോൾ, അമിതമായ ശബ്ദമുണ്ടാക്കിയ വാഹനങ്ങളുടെ പേരിൽ 1,759 നിയമലംഘനങ്ങളും രേഖപ്പെടുത്തിയിട്ടുണ്ട്.

തൊട്ടുപിന്നിൽ അബൂദബിയുണ്ട്. (785), (1,568) എന്നിങ്ങനെയാണ് അബൂദബിയിലെ കണക്കുകൾ. ഷാർജയിൽ ഹോൺ മുഴക്കുന്നതിനും/സംഗീതത്തിനും 504 ഉം എഞ്ചിൻ സംബന്ധമായ ശബ്ദത്തിന്റെ പേരിൽ 523 ഉം കേസുകൾ റിപ്പോർട്ട് ചെയ്തു. അതേസമയം, അജ്മാൻ , ഫുജൈറ , റാസൽഖൈമ , ഉമ്മുൽഖുവൈൻ തുടങ്ങിയ എമിറേറ്റുകളിൽ താരതമ്യേന നിയമലം​ഘനങ്ങളുടെ എണ്ണം കുറവാണ്. 

നിയമം ‌

ഫെഡറൽ ട്രാഫിക് നിയമത്തിലെ ആർട്ടിക്കിൾ 20ൽ പറയുന്നത് പ്രകാരം അമിത ശബ്ദമുണ്ടാക്കുന്ന വാഹനങ്ങളുടെ ഡ്രൈവർമാർക്ക് 2,000 ദിർഹം പിഴയും 12 ബ്ലാക്ക് പോയിന്റുകളും ലഭിക്കും.

ആർട്ടിക്കിൾ 73 പ്രകാരം, നിയമവിരുദ്ധ വാഹന മോഡിഫിക്കേഷനുകൾക്ക് 1,000 ദിർഹം പിഴയും, 12 ബ്ലാക്ക് പോയിന്റുകളും, 30 ദിവസത്തെ വാഹന കണ്ടുകെട്ടലും ലഭിക്കും.

2020 ലെ 5-ാം നമ്പർ നിയമം അനുസരിച്ച്, അബൂദബിയിൽ മോഡിഫിക്കേഷനുകൾ വരുത്തിയ വാഹനങ്ങൾ കണ്ടുകെട്ടാനും 10,000 ദിർഹം റിലീസ് ഫീസ് ചുമത്താനും സർക്കാരിന് കഴിയും. മൂന്ന് മാസത്തിനുള്ളിൽ പണം അടച്ചില്ലെങ്കിൽ വാഹനം ലേലത്തിൽ വിൽക്കാം. മറ്റുള്ളവരെ ശല്യപ്പെടുത്തുന്ന രീതിയിൽ ഹോൺ അല്ലെങ്കിൽ സ്റ്റീരിയോ സിസ്റ്റം ദുരുപയോഗം ചെയ്താൽ 400 ദിർഹം പിഴയും നാല് ബ്ലാക്ക് പോയിന്റുകളും ലഭിക്കും.

The UAE authorities have registered 7,222 noise pollution violations on roads in 2024, with Dubai reporting the highest number of cases. The authorities are taking measures to enforce noise regulations and raise awareness about the issue. Excessive noise from vehicles can lead to fines and penalties for drivers [2].