തുഞ്ചത്തെഴുച്ഛൻ മലയാളം യൂണിവേഴ്‌സിറ്റിയിൽ ബിരുദാന്തര ബിരുദ പ്രോഗ്രാമുകളിലേക്ക് മെയ് 30 വരെ അപേക്ഷിക്കാം. മലയാളം മാധ്യമത്തിലാണ് പഠനം. 

കോഴ്‌സുകൾ

എംഎ:-

ചലച്ചിത്ര പഠനം

പരിസ്ഥിതി പഠനം

ചരിത്രം

സോഷ്യോളജി

വികസനപഠനവും തദ്ദേശ വികസനവും

കമ്മ്യൂണിക്കേഷൻ -ജേണലിസം

ഭാഷാശാസ്ത്രം

മലയാളം-സംസ്‌കാര പൈതൃകം

മലയാളം-സാഹിത്യപഠനം

മലയാളം- സാഹിത്യ രചന

താരതമ്യ സാഹിത്യ വിവർത്തനം

എംഎസ് സി: പരിസ്ഥിതി പഠനം

നിർദേശങ്ങൾ

* ഓരോ പ്രോഗ്രാമിലും പരമാവധി 20 പേർക്കാണ് പ്രവേശനം നൽകുക. (സർക്കാർ അംഗീകൃത സംവരണക്രമം പാലിക്കപ്പെടും).

* എം.എ/ എം.എസ്.സി പരിസ്ഥിത പഠന പ്രോഗ്രാമുകൾക്ക് രണ്ട് പ്രോഗ്രാമുകൾക്കുമായി പരമാവധി സീറ്റ് 20 ആയിരിക്കും. 

* നാല് സെമസ്റ്ററുകളായി രണ്ട് വർഷം ദൈർഘ്യമുള്ളതാണ് ഈ പ്രോഗ്രാമുകൾ. ഏതെങ്കിലും വിഷയത്തിൽ അംഗീകൃത ബിരുദമാണ് അടിസ്ഥാന യോഗ്യത. 

* എം.എസ്.സി പരിസ്ഥിതി പഠനകോഴ്‌സിന് പ്ലസ് ടു തലത്തിൽ സയൻസ് പഠിച്ചിട്ടുള്ള അംഗീകൃത ബിരുദധാരികൾക്ക് മാത്രമേ അപേക്ഷിക്കാനാവൂ. 

* രണ്ട് പ്രോഗ്രാമുകൾക്ക് ഫീസ് അടച്ചവർക്ക് മൂന്നാമത്തെ വിഷയം ഫീസ് അടയ്ക്കാതെ എഴുതാൻ അവസരം ഉണ്ടായിരിക്കും. എന്നാൽ ഇവർ നിർബന്ധമായും അപേക്ഷയിൽ തന്നെ മൂന്നാമത്തെ വിഷയം തെരഞ്ഞെടുത്തിരിക്കണം. 

      എൻട്രൻസ് പരീക്ഷ തീയതി പിന്നീട് അറിയിക്കും. ബിരുദ തലത്തിൽ ഏത് വിഷയം പഠിച്ചവർക്കും, പ്രവേശന പരീക്ഷ എഴുതാം. ഒരാൾക്ക് മൂന്ന് വിഷയങ്ങൾക്ക് വരെ അപേക്ഷിക്കാനാവും. 

പരീക്ഷ കേന്ദ്രങ്ങൾ: തിരുവനന്തപുരം, എറണാകുളം, തിരൂർ, കോഴിക്കോട്, വയനാട് ജില്ലകളിൽ പരീക്ഷ കേന്ദ്രമുണ്ട്. 

അപേക്ഷ ഫീസ്: ഒരു വിഷയത്തിലേക്ക് 475 രൂപയാണ് ഫീസ്. പട്ടിക വിഭാഗക്കാർക്കും, ഭിന്നശേഷിക്കാർക്കും 240 രൂപമതി. 

രണ്ട് കോഴ്‌സിലേക്ക് അപേക്ഷിക്കാൻ 900/450, മൂന്ന് കോഴ്‌സുകളിലേക്ക് 1100/600 എന്നിങ്ങനെ ഫീസ് അടയ്ക്കണം. 

അപേക്ഷ നൽകുന്നതിനും, കൂടുതൽ വിവരങ്ങൾക്കുമായി http://malayalamuniversity.edu.in/ml/ സന്ദർശിക്കുക. 

കൂടുതല്‍ Career വാര്‍ത്തകള്‍ക്ക് ഗ്രൂപ്പില്‍ ജോയിന്‍ ചെയ്യുക

pg entrance exam at Malayalam university tirur apply now