ന്യൂഡൽഹി: ജമ്മു കാശ്മീരിലെ പഹൽഗാം ഭീകരാക്രമണത്തിന് നൽകിയ തിരിച്ചടി "ഓപ്പറേഷൻ സിന്ദൂർ" വിജയകരമാണെന്ന് പ്രഖ്യാപിച്ചതിന് പിന്നാലെ,  പ്രചാരണ ആയുധമാക്കി ഭരതീയ ജനതാ പാർട്ടി (ബിജെപി) രാജ്യവ്യാപക തീവ്രപ്രചാരണത്തിലേക്ക് നീങ്ങുന്നു.

ഭീകരർക്കെതിരെ  നടത്തിയ തന്ത്രപരമായ തിരിച്ചടിയായ ഓപ്പറേഷൻ സിന്ദൂറിന്റെ വിജയം രാഷ്ട്രീയ തലത്തിൽ മുതലെടുക്കാൻ ബിജെപി നിശ്ചയിച്ചിരിക്കുന്നു. ഈ വിജയം പതാകയാക്കി ഉയർത്താൻ പാർട്ടി "തിരംഗ യാത്രകൾ" സംഘടിപ്പിക്കുന്നു.

മെയ് 13 മുതൽ 23 വരെ രാജ്യത്തിന്റെ വിവിധ ഭാഗങ്ങളിൽ നടത്തുന്നതായിരിക്കും ഈ യാത്രകൾ. മുതിർന്ന ബിജെപി നേതാക്കളും കേന്ദ്ര-സംസ്ഥാന മന്ത്രിമാരും നേതൃത്വം നൽകുന്ന ഈ യാത്രകൾ രാജ സ്നേഹവും ദേശഭക്തിയോടും ചേർന്ന സന്ദേശമാവുമെന്നും ബിജെപി വക്താക്കൾ വ്യക്തമാക്കി.

യാത്രകളുടെ മുഖ്യലക്ഷ്യം സുരക്ഷാസേനകളുടെ വീരത്വം ജനങ്ങളിലേക്ക് എത്തിച്ച്, ദേശീയ സുരക്ഷയ്ക്കായി കേന്ദ്ര സർക്കാർ സ്വീകരിക്കുന്ന ശക്തമായ നിലപാടുകൾ പൊതുജനങ്ങളെക്കിടയിൽ മെച്ചപ്പെടുത്തുകയാണ്.

ജന്മഭൂമിയിലും അതിർത്തികളിലും രാജ്യഭക്തിയുടെയും ഐക്യത്തിന്റെയും പ്രതീകമായി തിരംഗം ഉയർത്തുന്നതിനൊപ്പം, ഭീകരവാദത്തിനെതിരെ ഇന്ത്യ സ്വീകരിക്കുന്ന ഉറച്ച നിലപാടുകൾക്കും ഈ പരിപാടികൾ വലിയ പിന്തുണയാണ് നൽകാൻ ഉദേശിക്കുന്നത്.

ഇതിനായി സംസ്ഥാനതലങ്ങളിലും മണ്ഡലതലങ്ങളിലും വിശാലമായ പരിപാടികൾ സംഘടിപ്പിക്കാനാണ് ബിജെപി നിർദ്ദേശം നൽകിയിരിക്കുന്നത്. സുരക്ഷാ പ്രവർത്തനങ്ങൾക്കും രാഷ്ട്രീയപ്രചാരണത്തിനും ഒപ്പം ദേശീയതയുടെയും ഐക്യത്തിന്റെയും സന്ദേശം സമൂഹത്തിലെ എല്ലാ തലങ്ങളിലേക്കും എത്തിക്കാൻ ഈ കാമ്പെയിനിലൂടെ ബിജെപി  ലക്ഷ്യമിടുന്നത്.

Following the successful anti-terror operation in Pahalgam, Jammu & Kashmir, the BJP has announced a nationwide campaign named Tiranga Yatra. From May 13 to 23, senior leaders and ministers will lead rallies across India to honor the bravery of security forces and highlight the government's strong stance on national security. The campaign aims to boost patriotic sentiment and public support.