തിരുവനന്തപുരം: കേരള സർവകലാശാല വൈസ് ചാൻസലർ ഡോ. മോഹൻ കുന്നുമ്മലിനെതിരെ എസ്എഫ്ഐ കർശനമായ ആരോപണങ്ങളുമായി രംഗത്ത്. പഹൽഗാം ഭീകരാക്രമണത്തെ കുറിച്ചുള്ള സെമിനാർ വിലക്കിയതിനെ തുടർന്ന് വിമർശനം ശക്തമാകുകയാണ്. “വിദ്യാർത്ഥികളെ തേടി എൻഐഎ വരും” എന്നഭീഷണിയുണ്ടാക്കുന്ന തരത്തിലാണ് വൈസ് ചാൻസലർ പ്രവർത്തിക്കുന്നതെന്ന് എസ്എഫ്ഐ സംസ്ഥാന സെക്രട്ടറി പി.എസ്. സഞ്ജീവ് ആരോപിച്ചു.

സെമിനാർ വിലക്ക് വിവാദത്തിൽ

കേരള സർവകലാശാലയിലെ തമിഴ് വിഭാഗം ആസൂത്രണം ചെയ്തിരുന്ന സെമിനാർ “ദേശവിരുദ്ധം” എന്ന ചൂണ്ടിക്കാട്ടി  വി.സി അത് വിലക്കുകയായിരുന്നു. സെമിനാറിന് അടിസ്ഥാനമായത്, ഭീകരാക്രമണത്തെ ബിജെപി രാഷ്ട്രീയ നേട്ടത്തിനായി ഉപയോഗിക്കുന്നു എന്ന വിമർശനം ഉൾക്കൊണ്ട ലേഖനമായിരുന്നു. സെമിനാർ വിലക്കിയ വിവരം ഗവർണറെയും വി.സി അറിയിച്ചിരുന്നു.

തുടർന്ന്, വിഭാഗം മേധാവി രജിസ്ട്രാറിന് വിശദീകരണം നൽകി. ലേഖനം ആസ്പദമാക്കിയുള്ള ചർച്ചയ്ക്ക് നിർദ്ദേശം നൽകിയ ഗവേഷക വിദ്യാർത്ഥി മാപ്പ് പറഞ്ഞതായും വിഭാഗം മേധാവി അറിയിച്ചു.

“വി.സി ആർഎസ്എസ് ശൈലിയിലാണുള്ളത്” – എസ്എഫ്ഐ

വിദ്യാർത്ഥികളെ രാജ്യവിരുദ്ധർ എന്ന് വിളിച്ച വി.സി പ്രസ്താവന പിൻവലിക്കണമെന്ന് എസ്എഫ്ഐ ആവശ്യപ്പെട്ടു. “രാഷ്ട്രീയ നിലപാടുകൾ വിദ്യാർത്ഥികൾ പറയുമ്പോൾ രാജ്യവിരുദ്ധർ ആക്കാനാണ് ശ്രമം. ഇതിന് കനത്ത തിരിച്ചടി ഉണ്ടായിരിക്കും. കേരളത്തിലെമ്പാടും വി.സിയുടെ കോലം കത്തിക്കും” എന്നും എസ്എഫ്ഐ വ്യക്തമാക്കി.

ആരോഗ്യ സർവകലാശാല യൂണിയൻ ഉദ്ഘാടന വേദിയിൽ യുദ്ധവിരുദ്ധ ബോർഡ് വെച്ചതിന് വിദ്യാർത്ഥികളെ വിസി ഭീഷണിപ്പെടുത്തിയെന്നാരോപിച്ചാണ് എസ്എഫ്ഐയുടെ പ്രതിഷേധം ശക്തമായത്. “വി.സിയുടെ ഭാഷയും സമീപനവും ബിജെപി നേതാക്കളുടെതിന്റെ പകർപ്പാണ്” എന്നതും ആക്ഷേപമായി എസ്എഫ്ഐ ഉന്നയിച്ചു.

“വി.സി മാപ്പ് പറയണം” – ആവശ്യം ശക്തമാകും

വിദ്യാർത്ഥികളെ ഭീഷണിപ്പെടുത്തുന്ന സമീപനം വിപത്തായി മാറുന്നമെന്നും ഇത് അംഗീകരിക്കാനാവില്ലെന്നും എസ്എഫ്ഐ മുന്നറിയിപ്പ് നൽകി. “വി.സി മാപ്പ് പറയണം. മാപ്പ് പറയാൻ അത്ര ബുദ്ധിമുട്ട് ഉണ്ടാകില്ല; ആർഎസ്എസ് ശാഖയിൽ അതും പഠിപ്പിക്കുന്നുണ്ടല്ലോ,” എന്നായിരുന്നു എസ്എഫ്ഐയുടെ കടുത്ത വിമർശനം.

The Students' Federation of India (SFI) has launched a strong protest against Kerala University Vice-Chancellor Dr. Mohan Kunnummal, accusing him of intimidating students by threatening National Investigation Agency (NIA action). The controversy erupted after the VC canceled a Tamil Department seminar linked to a critical article about the Pahalgam terror attack. SFI claims the VC is pushing an RSS agenda, labeling students anti-national and suppressing academic freedom. They demand an apology and warn of statewide protests, including symbolic effigy burnings.