മലപ്പുറം: നിപ വൈറസ് ബാധയ്‌ക്ക് പിന്നാലെ മലപ്പുറം ജില്ലയില്‍ ആശ്വാസം പകരുന്ന റിപ്പോർട്ടുകളാണ് പുറത്തു വരുന്നത്. സമ്പര്‍ക്ക പട്ടികയില്‍ ഉള്‍പ്പെട്ട 7 പേര്‍ക്ക് കൂടി നടത്തിയ പരിശോധനാഫലം നെഗറ്റീവായതായി ആരോഗ്യ വകുപ്പ് മന്ത്രി വീണാ ജോർജ് അറിയിച്ചു. ഇതോടെ മൊത്തം 56 പേരുടെ ഫലമാണ് ഇതുവരെ നെഗറ്റീവ് ആയത്.

ഇന്നലെ മാത്രം 14 പേരെ കൂടി സമ്പര്‍ക്ക പട്ടികയില്‍ ചേര്‍ത്തതോടെ ആകെ സമ്പര്‍ക്കത്തിലുള്ളവരുടെ എണ്ണം 166 ആയി. ഇവരില്‍ 65 പേര്‍ ഹൈ റിസ്ക് വിഭാഗത്തിലായും 101 പേര്‍ ലോ റിസ്ക് വിഭാഗത്തിലായുമാണ്.

ജില്ലാതലത്തിലുള്ള കണക്ക്:

മലപ്പുറം: 119

പാലക്കാട്: 39

കോഴിക്കോട്: 3

എറണാകുളം, ഇടുക്കി, തിരുവനന്തപുരം, തൃശൂർ, കണ്ണൂര്‍: ഓരോരുത്തര്‍ വീതം

നിലവിൽ ഒരാളിലാണ് നിപ സ്ഥിരീകരിച്ചിട്ടുള്ളത്. രോഗാവസ്ഥ ഗുരുതരമാണ്. ആറുപേർ ചികിത്സയിലുണ്ട്, അതില്‍ ഒരാൾ ഐസിയുവിലാണ്.

11 ഹൈ റിസ്ക് പേരെ പ്രൊഫൈലാക്‌സിസ് ചികിത്സക്ക് വിധേയരാക്കിയിട്ടുണ്ട്. ആരോഗ്യ വകുപ്പ് ഫീവർ സർവൈലൻസ് നടപടികളായി ഇതുവരെ 4,749 വീടുകൾ സന്ദർശിച്ചിട്ടുണ്ടെന്ന് മന്ത്രിയുടെ പ്രസ്താവനയിൽ പറയുന്നു.

പുതിയ കേസുകൾ റിപ്പോർട്ട് ചെയ്യപ്പെട്ടിട്ടില്ലെങ്കിലും, സുരക്ഷാ പ്രോട്ടോകോൾ പൂർണ്ണമായും പാലിക്കണമെന്നും, സ്കൂളുകൾ തുറക്കുന്ന സാഹചര്യത്തിൽ അവബോധ പ്രവർത്തനങ്ങൾ ശക്തമാക്കാനും മന്ത്രി നിർദ്ദേശം നൽകിയിട്ടുണ്ട്.

Kerala Health Minister Veena George confirmed that seven more people from Malappuram who were in the contact list of the Nipah patient have tested negative, taking the total number of negative results to 56. The contact list now includes 166 individuals, with 65 high-risk and 101 low-risk. Currently, one person is confirmed infected and remains in critical condition in ICU. A total of 4,749 houses have been visited under fever surveillance. No new cases have been reported so far.