തിരുവനന്തപുരം: വഞ്ചിയൂര്‍ കോടതിയില്‍ ജൂനിയര്‍ അഭിഭാഷകയെ മര്‍ദ്ദിച്ച സംഭവത്തില്‍ നടപടി. ജൂനിയര്‍ അഭിഭാഷക ശ്യാമിലിയെ സീനയര്‍ അഭിഭാഷകന്‍ ബെയ്‌ലിന്‍ ദാസിനെ ബാര്‍ അസോസിയേഷന്‍ സസ്‌പെന്‍ഡ് ചെയുതു. നടന്ന സംഭവങ്ങളെക്കുറിച്ച് റിപ്പോര്‍ട്ട് നല്‍കണമെന്ന് അസോസിയേഷന്‍ ആവശ്യപ്പെട്ടു.  

ഇന്ന് ഉച്ചയോടെയായിരുന്നു സംഭവം. ജൂനിയര്‍ അഭിഭാഷക ശ്യാമിലിയെ അഭിഭാഷകന്‍ ബെയ്‌ലിന്‍ മോപ്സ്റ്റിക് കൊണ്ട്
മര്‍ദ്ദിക്കുകയായിരുന്നു. ശ്യാമിലിയുടെ മുഖത്ത് ഗുരുതര പരുക്കേറ്റിട്ടുണ്ട്. 

കൂടാതെ സീനിയര്‍ അഭിഭാഷകന്‍ നേരത്തേയും മര്‍ദ്ദിച്ചിരുന്നുവെന്ന് ശ്യാമിലി പറഞ്ഞു. താന്‍ ഗര്‍ഭിണിയായിരിക്കെ സീനിയര്‍ അഭിഭാഷകന്‍ മര്‍ദിച്ചിരുന്നെന്നും ദേഷ്യത്തില്‍ പ്രതികരിച്ചിട്ട് പെട്ടെന്ന് ഓഫീസില്‍ നിന്ന് ഇറങ്ങിപ്പോകും.മുഖത്തേക്ക് ഫയലുകള്‍ വലിച്ചെറിയും. എല്ലാവരുടെയും മുന്നില്‍ വച്ച് മര്‍ദിക്കുമെന്നും ശ്യാമിലി കൂട്ടിച്ചേര്‍ത്തു.