മുംബൈ: ഐപിഎൽ പുനരാരംഭത്തിന് തൊട്ടുമുമ്പായി,വെസ്റ്റ് ഇൻഡീസിനെതിരായ ഏകദിന പരമ്പരയ്ക്കുള്ള  ഇംഗ്ലണ്ട് ടീമിന്റെ പ്രഖ്യാപനം മികച്ച കളിക്കാരെ നഷ്ടപ്പെടാനുള്ള ആശങ്കയിലാഴ്ത്തിയിരിക്കുകയാണ് ഗുജറാത്ത് ടൈറ്റൻസ്, മുംബൈ ഇന്ത്യൻസ്, റോയൽ ചലഞ്ചേഴ്‌സ് ബെംഗളൂരു എന്നീ ടീമുകളെ. വെസ്റ്റ് ഇൻഡീസിനെതിരായ ഏകദിന പരമ്പരയ്ക്കുള്ള ഇംഗ്ലണ്ട് ടീമിൽ, ഐപിഎൽ  ക്ലബുകളിൽ നിന്നുള്ള ജോസ് ബട്ട്ലർ (GT), വിൽ ജാക്ക്സ് (MI), ജേക്കബ് ബെഥൽ (RCB) എന്നിവർ ഉൾപ്പെട്ടിട്ടുണ്ട്.

മേയ് 29 മുതൽ ജൂൺ 3 വരെയുള്ള ഏകദിന പരമ്പര ഐപിഎൽ പ്ലേഓഫിനോട് അടുത്താണ്, അതിനാൽ ഇംഗ്ലണ്ട് താരങ്ങളുടെ കൊഴിഞ്ഞുപോക്ക് തിരിച്ചടിയാകും. ഐപിഎൽ ഫൈനൽ മുൻപ് പ്രഖ്യാപിച്ചതു പോലെ മേയ് 25-നല്ല, ഇന്ത്യ-പാക്കിസ്ഥാൻ അതിര്‍ത്തി സംഘര്‍ഷത്തെ തുടര്‍ന്ന് ടൂർണമെന്റ് നിലവിൽ ജൂൺ 3 വരെ നീട്ടിയിട്ടുണ്ട്.

ബുട്ട്ലർ ഗുജറാത്തിന്റെ സീസണിലെ മികച്ച ബാറ്റർമാരിലൊരാളായി, ഇതിനോടകം തന്നെ 500-ത്തിലധികം റൺസ് നേടിക്കഴിഞ്ഞു. വിൽ ജാക്ക്സും ബെഥലും ലഭിച്ച അവസരങ്ങളിൽ തിളങ്ങി. മുംബൈക്ക് വേണ്ടി വിൽ ജാക്ക്സിന്റെ ഓൾറൗണ്ട് പ്രകടനം നിർണായകമായിരുന്നു.

ഇംഗ്ലണ്ട് ആൻഡ് വെയിൽസ് ക്രിക്കറ്റ് ബോർഡ് (ECB) നൽകുന്ന നോ ഒബ്ജക്ഷൻ സർട്ടിഫിക്കറ്റ് (NOC) ലഭിച്ചാൽ മാത്രമേ ഇവർ വീണ്ടും ഐപിഎൽ  കളിക്കാൻ കഴിയൂ. നിലവിൽ ഉള്ള എൻഒസി മേയ് 25 വരെ മാത്രമാണ് ബാധകമെന്നതിനാൽ ക്ലബുകൾ പുതിയ അനുമതികൾക്കായി ശ്രമിക്കുന്നു.

പോയിന്റ് പട്ടികയിലെ മുൻനിര മൂന്ന് ടീമുകൾക്കുള്ള ഈ പ്രതിസന്ധി, പ്ലേഓഫ് സാധ്യതകളെ നേരിട്ട് ബാധിക്കാനാണ് സാധ്യത. ഐപിഎലിന്റേ തിളക്കമാർന്ന അവസാന ഘട്ടത്തിൽ മുൻനിര താരങ്ങളുടെ അഭാവം ക്ലബുകൾക്കുള്ള ആശങ്കയിലാഴ്ത്തുന്നുണ്ട്.

As the IPL playoffs approach, the selection of English stars for the ODI series against West Indies may impact teams like Gujarat Titans, Mumbai Indians, and RCB. Jos Buttler (GT), Will Jacks (MI), and Jacob Bethell (RCB) have been named in England’s squad for the series scheduled from May 29 to June 3, which clashes with the IPL playoffs. Their participation now depends on NOC clearance from the England & Wales Cricket Board (ECB), as current permissions only cover until May 25. The potential absence of these key players could weaken team lineups during the crucial final stages of the tournament.