ശ്രീനഗര്‍: ജമ്മുകശ്മീരില്‍ സുരക്ഷാസേനയും ഭീകരരും തമ്മിലുണ്ടായ ഏറ്റുമുട്ടലില്‍ മൂന്ന് ഭീകരര്‍ കൊല്ലപ്പെട്ടു. പുല്‍വാമ ജില്ലയിലെ നാദേര്‍, ത്രാല്‍ ഗ്രാമങ്ങളില്‍ നടന്ന സംയുക്ത തിരച്ചിലിനിടെയാണ് ഏറ്റുമുട്ടലുണ്ടായത്. രഹസ്യ വിവരത്തിന്റെ അടിസ്ഥാനത്തില്‍ സൈന്യം, സിആര്‍പിഎഫ്, കശ്മീര്‍ പൊലിസ് എന്നിവര്‍ സംയുക്തമായാണ് ഏറ്റുമുട്ടല്‍ നടത്തിയത്. ഏറ്റുമുട്ടലില്‍ കൊല്ലപ്പെട്ട ഭീകരവാദികളെ തിരിച്ചറിയാന്‍ ഇതുവരെ സാധിച്ചിട്ടില്ല. ജയ്‌ഷെ മുഹമ്മദ് ഭീകരരാണ് കൊല്ലപ്പെട്ടതെന്നാണ് വിവരം. കഴിഞ്ഞ 48 മണിക്കൂറിനുള്ളില്‍ ഇത് രണ്ടാം തവണയാണ് സുരക്ഷാസേന ഭീകരരെ വധിക്കുന്നത്.

ഇതിന് മുന്‍പ്, ചൊവ്വാഴ്ച ലഷ്‌കര്‍ ഇ തൊയ്ബ ഭീകരവാദികളായ മൂന്ന് പേരെ ഷോപിയാനില്‍ വെച്ച് സുരക്ഷാസേന വധിച്ചിരുന്നു. ഇവരില്‍നിന്ന് ആയുധങ്ങളും പണവും പിടിച്ചെടുത്തിരുന്നു. ഈ സംഭവത്തിന് ശേഷം കൂടുതല്‍ ഭീകരവാദികള്‍ ഉണ്ടാകാമെന്ന സൂചന ലഭിച്ചിരുന്നതിനാല്‍ സുരക്ഷാ ഏജന്‍സികള്‍ കൂടുതല്‍ ജാഗ്രത പുലര്‍ത്തിയിരുന്നു. ഈ സാഹചര്യത്തിലാണ് ത്രാലില്‍ ഭീകരവാദികളുടെ സാന്നിധ്യം ഉണ്ടെന്ന രഹസ്യവിവരം ലഭിച്ചത്.

Three terrorists were killed in an encounter with security forces in Jammu and Kashmir's Pulwama district. The joint operation by the Indian Army, CRPF, and Jammu & Kashmir Police took place in Nader and Thral villages following intelligence inputs. The terrorists, reportedly affiliated with Jaish-e-Mohammed, remain unidentified. This marks the second anti-terror operation in the region within 48 hours.