ഹൈദരാബാദ്: ഹൈദരാബാദില്‍ വന്‍ തീപിടുത്തം. 17 പേര്‍ മരിച്ചതായി റിപ്പോര്‍ട്ട്. ചാര്‍മിനാറിന് സമീപമാണ് തിപിടുത്തമുണ്ടായത്. 20 പേര്‍ക്ക് പരുക്കേറ്റതായും റിപ്പോര്‍ട്ടുണ്ട്. ഇവരില്‍ പലരുടേയും നില ഗുരുതരമാണ്. ഇന്ന് രാവിലെയാണ് തീപിടുത്തമുണ്ടായത്. 

ഇന്ന് പുലര്‍ച്ചെ 6.30ഓടെയാണ് തീപുടുത്തമുണ്ടായെന്ന വിവരം തങ്ങള്‍ക്ക് ലഭിച്ചതെന്ന് ഫയര്‍ ഡിപാര്‍ട്‌മെന്റ് ഉദ്യോഗസ്ഥന്‍ വ്യക്തമാക്കി. ഉടന്‍തന്നെ സ്ഥലത്തെത്തി ആളിപ്പടര്‍ന്ന തീ അണക്കാനുള്ള ശ്രമങ്ങള്‍ ആരംഭിച്ചു. തീ പൂര്‍ണമായും നിയന്ത്രണ വിധേയമായിട്ടില്ലെന്നാണ് വിവരം.