കോഴിക്കോട്: ഫറോക്കിലെ സ്വകാര്യ ആശുപത്രിയില്‍ ചികിത്സാപ്പിഴവ് കാരണം ഗര്‍ഭസ്ഥ ശിശു മരിച്ചെന്ന് പരാതി. ഫറോക്ക് സ്വദേശിയായ അശ്വതിയുടെ ഒന്‍പതുമാസം പ്രായമുള്ള കുഞ്ഞാണ് മരിച്ചത്.

മേയ് 22ന് പ്രസവത്തിന് ആശുപത്രിയില്‍ എത്താന്‍ നിര്‍ദേശം ലഭിച്ചിരുന്ന അശ്വതി, അസ്വസ്ഥത അനുഭവപ്പെട്ടതിനെ തുടര്‍ന്ന് നാല് ദിവസം മുമ്പ് ആശുപത്രിയിലെത്തി പരിശോധന നടത്തിയെങ്കിലും 'പ്രശ്‌നമില്ല' എന്ന് പറഞ്ഞ് തിരിച്ചയച്ചിരുന്നു. 

തുടര്‍ന്ന്, ഞായറാഴ്ച പുലര്‍ച്ചെ ഗര്‍ഭസ്ഥശിശുവിന്റെ അനക്കം ഇല്ലാത്തത് ശ്രദ്ധയില്‍പ്പെട്ട അശ്വതി വീണ്ടും ആശുപത്രിയില്‍ എത്തി. ലേബര്‍ റൂമില്‍ നടത്തിയ പരിശോധനയില്‍ കുട്ടിക്ക് കുഴപ്പമില്ലെന്ന് ഡോക്ടര്‍മാര്‍ അറിയിച്ചു.

പിന്നീട് ശസ്ത്രക്രിയ നടത്തിയപ്പോഴാണ് കുഞ്ഞ് മരിച്ചതായി അറിയിച്ചത്. ചികിത്സയിലെ പിഴവാണ് കുഞ്ഞിന്റെ മരണത്തിന് കാരണമെന്ന് ബന്ധുക്കള്‍ ആരോപിക്കുന്നു. സംഭവത്തിന് ശേഷം അശ്വതിയെ ചികിത്സിച്ച ഡോക്ടര്‍മാര്‍ ഉള്‍പ്പെടെ ആരും ഒരു വിശദീകരണവുമായി എത്തിയില്ലെന്നും ബന്ധുക്കള്‍ ആരോപിക്കുന്നു.

A tragic incident in Kozhikode's Farook has sparked outrage as a nine-month-old unborn baby died allegedly due to medical negligence at a private hospital. Ashwathy, a Farook native, lost her baby after alleged lapses in treatment. The family claims improper care led to the infant's death, raising serious concerns about healthcare standards in private hospitals. Investigations are underway as the grieving family demands justice.