ദുബൈ: യുഎഇയില്‍ ഇന്ന് അനുഭവപ്പെടാന്‍ പോകുന്നത് അത്ര സുഖകരമല്ലാത്ത കാലാവസ്ഥയെന്ന് മുന്നറിയിപ്പ്. യുഎഇയിലുടനീളമുള്ള കാലാവസ്ഥ ഇന്ന് (മെയ് 18 ഞായറാഴ്ച) പൊടിയും ഈര്‍പ്പവും നിഞ്ഞതായിരിക്കുമെന്ന് ദേശീയ കാലാവസ്ഥാ നിരീക്ഷണ കേന്ദ്രം (എന്‍സിഎം) അറിയിച്ചു. വൈകുന്നേരം ആകുമ്പോഴേക്കും കടലിന് മുകളിലൂടെ കാറ്റ് ഉയരാന്‍ തുടങ്ങും. കാറ്റിന്റെ വേഗത കൂടി മണിക്കൂറില്‍ 35 കിലോമീറ്റര്‍ വരെയാകും.

കാറ്റിന്റെ വേഗതയിലെ ഈ വര്‍ദ്ധനവ് വായുവില്‍ പൊടിയും മണലും ഉയരാന്‍ ഇടയാക്കുമെന്നും ഇത് റോഡിലെ ഡ്രൈവര്‍മാരുടെ ദൃശ്യപരത കുറയ്ക്കുമെന്നും എന്‍സിഎം മുന്നറിയിപ്പ് നല്‍കി. അലര്‍ജിയുള്ളവര്‍ പുറത്തിറങ്ങുമ്പോള്‍ ആവശ്യമായ മുന്‍കരുതലുകള്‍ എടുക്കുന്നത് നല്ലതാണ്.

മേഖലയിലുടനീളമുള്ള താപനില 40°-Cല്‍ കൂടുതലായിരിക്കുമെന്നും പരമാവധി താപനില 43ല്‍ എത്തുമെന്നും പ്രവചനമുണ്ട്. എന്നാല്‍ കുറഞ്ഞ താപനില ഏകദേശം 17°-C ആയി താഴാം.

ഉയര്‍ന്ന ഈര്‍പ്പവും പ്രതീക്ഷിക്കാം. പ്രത്യേകിച്ച് ഇന്ന് വൈകുന്നേര സമയത്തും നാളെ (മെയ് 19) രാവിലെയും 90 ശതമാനം ഈര്‍പ്പം എത്താനാണ് സാധ്യത. 

Dusty and humid weather in the UAE, maximum temperature hits 43°C today