മസ്‌കത്ത്: ഒമാനില്‍ ഉഷ്ണതരംഗം രൂക്ഷമാകുന്നു, സുല്‍ത്താനേറ്റിലുടനീളം താപനില റെക്കോര്‍ഡ് രേഖപ്പെടുത്തി. ഇന്ന്, ഖുറായത്ത് പ്രവിശ്യയിൽ താപനില 48.6°C ആയി ഉയർന്നു, അൽ അഷ്കരയിൽ 47.2°C ഉം, സൂറിൽ 46.4°C ഉം, അവാബിയിൽ 45.6°C ഉം താപനില രേഖപ്പെടുത്തി.

നോർത്ത് ബാത്തിന, സൗത്ത് ബാത്തിന, ദാഹിറ, നോർത്ത് ഷർഖിയ, അൽ വുസ്ത തുടങ്ങിയ ഗവർണറേറ്റുകളിൽ താപനില ഇനിയും ഉയരുമെന്ന് ഒമാൻ കാലാവസ്ഥാ വകുപ്പ് മുന്നറിയിപ്പ് നൽകി. ചൂട് കൂടുതലുള്ള സമയങ്ങളിൽ വീടിനുള്ളിൽ തന്നെ തുടരാനും നേരിട്ട് സൂര്യപ്രകാശം ഏൽക്കുന്നത് ഒഴിവാക്കാനും ആരോ​ഗ്യ പ്രവർത്തകർ താമസക്കാർക്ക് നിർദേശം നൽകി. 

ചൂട് കാലത്തുണ്ടാകുന്ന രോഗങ്ങൾ തടയുന്നതിന് ജലാംശം നിലനിർത്തേണ്ടതും, ഇലക്ട്രോലൈറ്റുകളുടെ അളവ് നിലനിർത്തുകയും ചെയ്യേണ്ടത് അത്യാവശ്യമാണ്. അതേസമയം, ജൂൺ മുതൽ ഓഗസ്റ്റ് വരെ ചൂട് കൂടുതലായതിനാൽ നിർമ്മാണ സ്ഥലങ്ങളിലും തുറസ്സായ സ്ഥലങ്ങളിലും ഉച്ചയ്ക്ക് 12:30 നും 3:30 നും ഇടയിൽ തുറസ്സായ സ്ഥലങ്ങളിലെ ജോലികൾ അധികൃതർ നിരോധിച്ചിട്ടുണ്ട്. ഉച്ചയ്ക്ക് ശേഷമുള്ള ജോലി നിരോധനം ലംഘിക്കുന്ന കമ്പനികൾക്ക് പിഴ ചുമത്തും.

Oman is experiencing a severe heatwave, with temperatures hitting record highs across the Sultanate. Today, Quriyat recorded a scorching 48.6°C, while Al Ashkarah reached 47.2°C, Sur 46.4°C, and Al Awabi 45.6°C. Authorities urge residents to take precautions against extreme heat. Stay updated on weather alerts and safety measures.