റിയാദ്: വെസ്റ്റ് ബാങ്കിലെ ജെനിന്‍ സന്ദര്‍ശിക്കുകയായിരുന്ന നയതന്ത്ര പ്രതിനിധി സംഘത്തിന് നേരെ ഇസ്‌റാഈല്‍ സേന നടത്തിയ ആക്രമണത്തെ ശക്തമായി അപലപിച്ച്  സഊദി അറേബ്യ. സംഘത്തിന് നേരെയുണ്ടായ ആക്രമണത്തെ ശക്തമായി അപലപിക്കുന്നുവെന്ന് വിദേശകാര്യ മന്ത്രാലയം അറിയിച്ചു. അധിനിവേശ വെസ്റ്റ് ബാങ്കിലെ ജെനിന്‍ ക്യാമ്പ് സന്ദര്‍ശിക്കുന്നതിനിടെയാണ് അറബ്, വിദേശ രാജ്യങ്ങളുടെ അംബാസഡര്‍മാരും പ്രതിനിധികളും ഉള്‍പ്പെട്ട പ്രതിനിധി സംഘത്തിന് നേരെ ആക്രമണം ഉണ്ടായത്.

ഫലസ്തീന്‍ പൗരന്മാര്‍ക്കും നയതന്ത്ര ദൗത്യങ്ങളുടെ ഭാഗമായവര്‍ക്കും മാനുഷിക സംഘടനകളുടെ ഭാഗമായവര്‍ക്കും എതിരെയുള്ള ഇസ്‌റാഈലിന്റെ ലംഘനങ്ങള്‍ ഉടന്‍ അവസാനിപ്പിക്കാന്‍ ഇടപെടണമെന്ന് സഊദി അന്താരാഷ്ട്ര സമൂഹത്തോട് അഭ്യര്‍ത്ഥിച്ചു. യുഎന്‍ സുരക്ഷാ കൗണ്‍സിലിലെ സ്ഥിരം അംഗങ്ങളോടും സഊദി ഇക്കാര്യം ആവശ്യപ്പെട്ടിട്ടുണ്ട്.

അന്താരാഷ്ട്ര നിയമങ്ങളും ഉടമ്പടികളും കാറ്റില്‍പ്പറത്തി ഇസ്‌റാഈല്‍ തുടരുന്ന കുറ്റകൃത്യങ്ങള്‍ നിര്‍ത്താന്‍ അന്താരാഷ്ട്ര തലത്തില്‍ പ്രവര്‍ത്തിക്കുന്ന ഉത്തരവാദിത്തപ്പെട്ട സംഘടനകള്‍ ഇടപെടണമെന്ന് സഊദി വിദേശ കാര്യ മന്ത്രാലയം ആഹ്വാനം മന്ത്രാലയം ചെയ്തു.

Saudi Arabia has issued a strong condemnation of the Israeli attack targeting a diplomatic delegation in Jenin, West Bank, calling it a violation of international law.