മലപ്പുറം:പരപ്പനങ്ങാടി കടലിൽ മത്സ്യബന്ധനത്തിനിടയിൽ ഫൈബർ വള്ളങ്ങൾ കൂട്ടിയിടിച്ചതിനെ തുടർന്ന് ഉണ്ടായ അപകടത്തിൽ ഒരാൾ മരിച്ചു. ആനങ്ങാടി നാല് സെന്റ് സ്വദേശിയായ തലക്കകത്ത് വീട്ടിൽ ഹംസക്കോയയുടെ മകൻ നവാസ് (40) ആണ് മരണപ്പെട്ടത്. ഇന്ന് പുലർച്ചെയായിരുന്നു ദാരുണ സംഭവം.

അപകടത്തിൽ രണ്ട് പേർക്ക് പരിക്കേറ്റതായും വിവരം ലഭിക്കുന്നു. പരപ്പനങ്ങാടി സ്വദേശികളുടെ ഉടമസ്ഥതയിലുള്ള 'ഇത്തിഹാദ്' എന്ന ഫൈബർ വള്ളവും ആനങ്ങാടിക്കാരുടെ ഉടമസ്ഥതയിലുള്ള 'റുബിയാൻ' എന്ന വള്ളവുമാണ് കൂട്ടിയിടിച്ചത്. കടലിൽ വലയിടുന്നതിനിടെയാണ് നിയന്ത്രണം വിട്ട ‘ഇത്തിഹാദ്’, ‘റുബിയാൻ’ വള്ളത്തിൽ ഇടിച്ചുകയറിയത്.

അപകടത്തിൽ കടുത്ത ഇടിയേറ്റ്, നവാസ് തലയടിച്ചു വള്ളത്തിൽ നിന്ന് വീഴുകയായിരുന്നു. ഉടൻ പരിക്കേറ്റവരെ ആശുപത്രിയിൽ എത്തിച്ചുവെങ്കിലും നവാസിന്റെ ജീവൻ രക്ഷിക്കാനായില്ല. സംഭവത്തിൽ പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.

A tragic accident occurred early morning in the Parappanangadi sea when two fiber boats collided during fishing. Navaz (40), a fisherman from Anangadi, lost his life after suffering a severe head injury. The boats involved—Ittihad and Rubiyan—belonged to residents of Parappanangadi and Anangadi, respectively. The collision happened while casting fishing nets, leading to the fatal injury. Two others were injured and hospitalized. Police have launched an investigation.