ന്യൂയോര്‍ക്ക്: ഹാര്‍വഡ് സര്‍വകലാശാലയില്‍ വിദേശ വിദ്യാര്‍ഥികളുടെ പ്രവേശനത്തിന് നിയന്ത്രണം ഏര്‍പ്പെടുത്തി ട്രംപ് ഭരണകൂടം. നിലവില്‍ സര്‍വകലാശാലയില്‍ പഠിക്കുന്ന വിദേശ വിദ്യാര്‍ഥികള്‍ മറ്റ് സര്‍വകലാശാലകളിലേക്ക് മാറണമെന്നും, അല്ലാത്തപക്ഷം അവരുടെ വിദ്യാര്‍ഥി വിസ റദ്ദാക്കപ്പെടുമെന്നും ഭരണകൂടം മുന്നറിയിപ്പ് നല്‍കിയിട്ടുണ്ട്.

ഹാര്‍വഡ് സര്‍വകലാശാലയിലെ ആകെ വിദ്യാര്‍ത്ഥികളില്‍ 27% വും വിദേശികളാണ്. 140ലധികം രാജ്യങ്ങളില്‍ നിന്നുള്ള 6,800 വിദ്യാര്‍ഥികളെ ഈ നടപടി ബാധിക്കുമെന്ന് കണക്കാക്കപ്പെടുന്നു. ഇന്ത്യയുള്‍പ്പെടെ നിരവധി രാജ്യങ്ങളില്‍ നിന്നുള്ള വിദ്യാര്‍ഥികള്‍ ഹാര്‍വഡില്‍ പഠിക്കുന്നുണ്ട്. കഴിഞ്ഞ വര്‍ഷം മാത്രം 6,700 വിദേശ വിദ്യാര്‍ഥികള്‍ ഹാര്‍വഡില്‍ പ്രവേശനം നേടിയിരുന്നു.

ഈ നടപടി നിയമവിരുദ്ധമാണെന്നാണ് ഹാര്‍വഡ് സര്‍വകലാശാല വ്യക്തമാക്കുന്നത്. മുന്‍പ് ഹാര്‍വഡിന് നല്‍കിയിരുന്ന സര്‍ക്കാര്‍ ധനസഹായം ട്രംപ് നിര്‍ത്തിവെച്ചിരുന്നു. സര്‍വകലാശാലയുടെ പ്രവേശന നടപടിക്രമങ്ങളില്‍ ഇടപെടാന്‍ ട്രംപ് ശ്രമിച്ചെങ്കിലും ഹാര്‍വഡ് ഇത് തള്ളിക്കളഞ്ഞതോടെയാണ് ഈ പ്രതികാര നടപടി എടുത്തത്.

ഹാര്‍വഡില്‍ പഠിക്കുന്ന വിദേശ വിദ്യാര്‍ഥികളുടെ വിശദമായ വിവരങ്ങള്‍ 72 മണിക്കൂറിനകം സമര്‍പ്പിക്കാന്‍ ട്രംപ് ഭരണകൂടം ആവശ്യപ്പെട്ടിട്ടുണ്ട്. എന്നാല്‍, ട്രംപിന്റെ ഈ നടപടിക്കെതിരെ രംഗത്തു വന്ന ഫെഡറല്‍ കോടതി വിദേശ വിദ്യാര്‍ഥികളുടെ വിസ റദ്ദാക്കല്‍, അറസ്റ്റ് എന്നിവ താല്‍ക്കാലികമായി തടഞ്ഞു. യുഎസ് ഡിസ്ട്രിക്ട് കോടതി ജഡ്ജി ജെഫ്രി വൈറ്റ് ആണ് ഈ ഉത്തരവിറക്കിയത്.

The Trump administration has imposed restrictions on foreign students at Harvard University, requiring current international students to transfer to other institutions or face visa cancellation. This move affects over 6,800 students from 140+ countries, including many from India. Harvard has condemned the policy as unlawful, while a federal court has temporarily blocked the order.