ജയ്പൂര്‍: ക്രിമിനല്‍ കേസില്‍ ശിക്ഷിക്കപ്പെട്ട ബിജെപി നോതാവിന്റെ എം.എല്‍.എ സ്ഥാനം റദ്ദാക്കി രാജസ്ഥാന്‍ നിയമസഭ. സബ് ഡിവിഷണല്‍ മജിസ്‌ട്രേറ്റിനു നേരെ തോക്കുചൂണ്ടിയ കേസില്‍ ശിക്ഷിക്കപ്പെട്ട ബിജെപി എം.എല്‍.എ കന്‍വര്‍ ലാല്‍ മീണയുടെ നിയമസഭാംഗത്വമാണ് റദ്ദു ചെയ്തത്. കേസില്‍ മൂന്നു വര്‍ഷത്തെ തടവുശിക്ഷയാണ് മീണക്കു വിധിച്ചത്. 

വിധിക്കെതിരെ മീണ സുപ്രീം കോടതിയെ സമീപിച്ചെങ്കിലും അപ്പീല്‍ തള്ളിയ കോടതി മുന്‍ എം.എല്‍.എയോട് രണ്ടാഴ്ച്ചക്കകം കീഴടങ്ങാന്‍ നിര്‍ദേശിച്ചിരുന്നു. നിലവില്‍ ജയിലില്‍ കഴിയുകയാണ് കന്‍വര്‍ ലാല്‍ മീണ. 

മേയ് ഒന്നു മുതല്‍ കന്‍വര്‍ ലാല്‍ മീണയുടെ അംഗത്വം റദ്ദു ചെയ്തതായി നിയമസഭാ സെക്രട്ടറിയേറ്റ് പുറത്തിറക്കിയ വിജ്ഞാപനത്തില്‍ പറയുന്നു. 2005ലാണ് സേസിനാസ്പദമായ സംഭവം നടന്നത്. അക്‌ലേര ടൗണ്‍ സബ്ഡിവിഷണല്‍ മജിസ്ര്‌ടേറ്റിനു നേരെ കന്‍വര്‍ ലാല്‍ മീണ തോക്കു ചൂണ്ടുകയായിരുന്നു. വിചാരണ കോടതി മീണയെ കുറ്റവിമുക്തന്‍ ആക്കിടെങ്കിലും അപ്പീല്‍ കോടതി കുറ്റക്കാരനാണെന്നു കണ്ടെത്തി ശിക്ഷ വിധിക്കുകയായിരുന്നു. ഈ മാസം ആദ്യം രാജസ്ഥാന്‍ ഹൈക്കോടതി ശിക്ഷ ശരിവച്ചിരുന്നു. കലാപം, പള്ളി ആക്രമിക്കല്‍, മതവിദ്വേഷം പ്രചരിപ്പിക്കല്‍ ഉള്‍പ്പെടെ 27 കേസുകളില്‍ പ്രതിയാണ് കന്‍വര്‍ ലാല്‍ മീണ.