വാഷിംഗ്ടണ്‍: ഹാര്‍വഡ് സര്‍വകലാശാലയോടുള്ള ഡൊണള്‍ഡ് ട്രംപിന്റെ എതിര്‍പ്പ് വീണ്ടും ശക്തമാകുന്നു. ഏറ്റവും പുതിയ വിവരങ്ങള്‍ പ്രകാരം, അമേരിക്കന്‍ സര്‍ക്കാര്‍ ഹാര്‍വഡിന് നല്‍കിയ എല്ലാ കരാറുകളും പിന്‍വലിക്കാന്‍ ട്രംപ് ഭരണകൂടം തീരുമാനിച്ചു. ജൂണ്‍ 6ന് മുമ്പ് കരാറുകള്‍ പിന്‍വലിക്കാന്‍ ഫെഡറല്‍ വകുപ്പുകള്‍ക്ക് നിര്‍ദേശങ്ങള്‍ നല്‍കിയിട്ടുണ്ടെന്നാണ് റിപ്പോര്‍ട്ടുകള്‍. 

100 മില്യണ്‍ ഡോളറിനടക്കമുള്ള ഈ കരാറുകള്‍ റദ്ദാക്കാന്‍ യു.എസ്. സര്‍ക്കാര്‍ ഫെഡറല്‍ ഏജന്‍സികള്‍ക്ക് കത്ത് അയച്ചിരിക്കുന്നു. ഹാര്‍വഡിനുള്ള സര്‍ക്കാര്‍ സഹായം പൂര്‍ണ്ണമായും നിര്‍ത്തലാക്കിയതോടെ, രണ്ടു കൂട്ടരുടെയും ദീര്‍ഘകാല ബന്ധം അവസാനിപ്പിച്ചിരിക്കുകയാണ് ട്രംപ്. വിദേശ വിദ്യാര്‍ഥികളുടെ പ്രവേശനം സംബന്ധിച്ച തര്‍ക്കമാണ് ഈ പ്രതിഷേധത്തിന് കാരണം.

ഇതിനു മുന്‍പ്, ഹാര്‍വഡില്‍ വിദേശ വിദ്യാര്‍ഥികളുടെ പ്രവേശനം നിരോധിച്ച് ട്രംപ് ഭരണകൂടം ഉത്തരവിറക്കിയിരുന്നു. എന്നാല്‍ ഈ നടപടിയെ ഫെഡറല്‍ കോടതി താല്‍ക്കാലികമായി തടഞ്ഞു. ജഡ്ജി ആലിസണ്‍ ബറോസ് നല്‍കിയ ഉത്തരവില്‍, ഈ നിരോധനം സര്‍വകലാശാലയുടെ പ്രവര്‍ത്തനങ്ങള്‍ക്ക് ദോഷകരമാകുമെന്ന് പറഞ്ഞിരുന്നു. കേസ് വീണ്ടും അടുത്ത ആഴ്ച പരിഗണിക്കും.

നിലവില്‍ സര്‍വകലാശാലയില്‍ പഠിക്കുന്ന വിദേശ വിദ്യാര്‍ഥികള്‍ മറ്റ് സര്‍വകലാശാലകളിലേക്ക് മാറണമെന്നും, അല്ലാത്തപക്ഷം അവരുടെ വിദ്യാര്‍ഥി വിസ റദ്ദാക്കപ്പെടുമെന്നും ഭരണകൂടം മുന്നറിയിപ്പ് നല്‍കിയിട്ടുണ്ട്. ഹാര്‍വഡ് സര്‍വകലാശാലയിലെ ആകെ വിദ്യാര്‍ത്ഥികളില്‍ 27% വും വിദേശികളാണ്. 140ലധികം രാജ്യങ്ങളില്‍ നിന്നുള്ള 6,800 വിദ്യാര്‍ഥികളെ ഈ നടപടി ബാധിക്കുമെന്ന് കണക്കാക്കപ്പെടുന്നു. ഇന്ത്യ ഉള്‍പ്പെടെ നിരവധി രാജ്യങ്ങളില്‍ നിന്നുള്ള വിദ്യാര്‍ഥികള്‍ ഹാര്‍വഡില്‍ പഠിക്കുന്നുണ്ട്. കഴിഞ്ഞ വര്‍ഷം മാത്രം 6,700 വിദേശ വിദ്യാര്‍ഥികള്‍ ഹാര്‍വഡില്‍ പ്രവേശനം നേടിയിരുന്നു.

The Trump administration has decided to terminate all federal contracts with Harvard University, worth $100 million, by June 6. This move comes amid an ongoing legal battle over foreign student admissions. Earlier, a federal court temporarily blocked Trump’s order banning foreign students, but the administration has now escalated its response by cutting financial ties.