കാലിഫോര്‍ണിയ: ഒമ്പതാം തവണയും ലക്ഷ്യത്തിലെത്താതെ സ്‌പേസ് എക്‌സ് സ്റ്റാര്‍ഷിപ്പ്. സ്റ്റാര്‍ഷിപ്പിന്റെ പേലോഡ് വാതില്‍ തുറക്കാതിരുന്നതിനാല്‍ ഡമ്മി ഉപഗ്രഹങ്ങള്‍ വിക്ഷേപിക്കാനായില്ല. 

അതേസമയം ദൗത്യം പരാജയപ്പെട്ടത് തിരിച്ചടിയല്ലെന്ന് സ്‌പേസ് എക്‌സ് പ്രതികരിച്ചു. 

ലക്ഷ്യത്തില്‍ എത്തുന്നതിനു മുമ്പ് തന്നെ സ്റ്റാര്‍ഷിപ്പ് തകര്‍ന്നവീണെന്ന് സ്‌പേസ്എക്‌സ് അറിയിച്ചു. എന്നാല്‍ ഇന്ത്യന്‍ മഹാസമുദ്രത്തില്‍ എവിടെയാണ് സ്റ്റാര്‍ഷിപ്പ് വീണതെന്ന് തങ്ങള്‍ക്ക് നിശ്ചയമില്ലെന്ന് സ്‌പേസ്എ്ക്‌സ് വ്യക്തമാക്കി. 

ഇന്ധനച്ചോര്‍ച്ചയാണ് വിക്ഷേപണം പരാജയപ്പെടാനുള്ള കാരണമെന്ന നിഗമനത്തിലാണ് സ്‌പേസ് എക്‌സുമായി ബന്ധപ്പെട്ട വൃത്തങ്ങള്‍. സ്റ്റാര്‍ഷിപ്പിന്റെ വിക്ഷേപണം സുഗമമായിരുന്നു.

ഇന്ന് പുലര്‍ച്ചെ രാവിലെ അഞ്ച് മണിക്ക് ടെക്‌സസിലെ ബോക്കോചിക്കയിലുള്ള സ്റ്റാര്‍ബേസില്‍ നിന്നുമാണ് സ്റ്റാര്‍ഷിപ്പ് വിക്ഷേപിച്ചത്. സ്റ്റാര്‍ഷിപ്പിന്റെ 7,8 പരീക്ഷണങ്ങളും പരാജയമായിരുന്നു. മാര്‍ച്ച് 6ന് പറന്നുയര്‍ന്നതിന് തൊട്ടുപിന്നാലെ സ്റ്റാര്‍ഷിപ്പ് പൊട്ടിത്തെറിച്ചതിന് ശേഷമുള്ള പരീക്ഷണ വിക്ഷേപണമായിരുന്നു ഇന്നത്തേത്.