കെയ്‌റോ: ഹജ്ജ് തീര്‍ത്ഥാടന സീസണുമായി ബന്ധപ്പെട്ട സീസണല്‍ വര്‍ക്ക് വിസകള്‍ അനുചിതമായി ഉപയോഗിക്കുന്ന ബിസിനസ്സുകള്‍ക്ക് കടുത്ത ശിക്ഷ നല്‍കുമെന്ന് സഊദി അറേബ്യ മുന്നറിയിപ്പ് നല്‍കി. ഇത്തരം ലംഘനങ്ങള്‍ക്ക് 50,000 റിയാല്‍ വരെ പിഴയും സഊദി സര്‍ക്കാര്‍ ടെന്‍ഡറുകളില്‍ മത്സരിക്കുന്നതില്‍ അഞ്ച് വര്‍ഷത്തേക്ക് നിരോധനവും ഏര്‍പ്പെടുത്തും.

ഹജ്ജ്, ഉംറ (കുറഞ്ഞ തീര്‍ത്ഥാടനം) സേവനങ്ങള്‍ക്കുള്ള തൊഴില്‍ വിസകളുമായി ബന്ധപ്പെട്ട നിയന്ത്രണങ്ങള്‍ പാലിക്കേണ്ടതിന്റെ പ്രാധാന്യം സഊദി മാനവ വിഭവശേഷി മന്ത്രാലയം ഊന്നിപ്പറഞ്ഞു.

നിലവിലെ ഹജ്ജ് സീസണില്‍ സുരക്ഷിതവും സംഘടിതവുമായ തൊഴില്‍ അന്തരീക്ഷം ഉറപ്പാക്കുന്നതിന് ഈ നിയന്ത്രണം സഹായകമാണെന്ന് മന്ത്രാലയം വ്യക്തമാക്കി.

മക്കയില്‍ അടുത്ത ആഴ്ച നടക്കാനിരിക്കുന്ന ഹജ്ജിന് മുന്‍പായി നിയമവിരുദ്ധ തീര്‍ത്ഥാടകര്‍ക്കെതിരെയും അവരെ സഹായിക്കുന്നവര്‍ക്കെതിരെയും കര്‍ശന നടപടി സ്വീകരിക്കുമെന്ന് അധികൃതര്‍ അറിയിച്ചിട്ടുണ്ട്. 

ഹജ്ജ് സീസണില്‍ ജോലിയില്‍ ഏര്‍പ്പെടുന്ന താമസക്കാര്‍ക്ക് സഊദി അധികൃതര്‍ ഏപ്രിലില്‍ ഓണ്‍ലൈന്‍ പെര്‍മിറ്റുകള്‍ നല്‍കാന്‍ തുടങ്ങി.

ആഭ്യന്തര മന്ത്രാലയത്തിന്റെ ഇലക്ട്രോണിക് പ്ലാറ്റ്‌ഫോമായ 'അബ്‌ഷെര്‍', 'മുഖീം' പോര്‍ട്ടല്‍ എന്നിവ വഴിയാണ് ഇത്തരം തൊഴിലാളികള്‍ മക്കയിലേക്കുള്ള പ്രവേശന അനുമതിക്കായി അപേക്ഷിച്ചത്.

മക്ക ആസ്ഥാനമായുള്ള സ്ഥാപനങ്ങളിലെ തൊഴിലാളികള്‍ക്കും, സീസണല്‍ വര്‍ക്ക് വിസ കൈവശമുള്ളവര്‍ക്കും, ഹജ്ജ് സീസണില്‍ ഈ സ്ഥാപനങ്ങളുമായി തൊഴില്‍ കരാറുള്ള തൊഴിലാളികള്‍ക്കും 'മുഖീം' പോര്‍ട്ടല്‍ വഴിയാണ് പ്രവേശന അനുമതി നല്‍കിയത്.

Saudi Arabia has issued a stern warning to businesses misusing seasonal work visas for Hajj pilgrimage services, threatening fines up to 50,000 riyals and a five-year ban from government tenders. The Ministry of Human Resources emphasized strict compliance with visa regulations to ensure a safe and organized Hajj season. This crackdown comes as Saudi authorities intensify efforts against illegal pilgrimage activities ahead of the annual Hajj in Mecca.