ദുബൈ: ലോകത്തിലെ ഏറ്റവും സുരക്ഷിതമായി നഗരങ്ങളില്‍ ഒന്നായി ദുബൈയെ നിലനിര്‍ത്തുന്നത് ദുബൈ പൊലിസാണ്. 1956 ജൂണ്‍ 1നാണ് ദുബൈ പൊലിസ് രൂപംകൊണ്ടത്. അതായത് യുഎഇ എന്ന രാഷ്ട്രം രൂപീകരിക്കപ്പെടുന്നതിനു മുമ്പേ ദുബൈ പൊലിസ് രൂപീകരിക്കപ്പെട്ടിട്ടുണ്ട്.

65 വര്‍ഷങ്ങള്‍ക്ക് മുമ്പ്, നായിഫിന്റെ മണലില്‍, ദുബൈയ്ക്കു വേണ്ടി കാവല്‍ നിന്നിരുന്ന ഒരു കോട്ട ഉണ്ടായിരുന്നു. അതിന്റെ ചുവരുകള്‍ക്കുള്ളില്‍ ദുബൈ പൊലിസ് ഉണ്ടായിരുന്നു. നഗരം ഉറങ്ങുമ്പോഴും അവരുടെ കണ്ണുകള്‍ തുറന്നിരുന്നു.

യുഎഇയിലെ ഏറ്റവും പുതിയ സ്വര്‍ണം, വെള്ളി, ഇന്ധനവില; ഇന്നത്തെ ദിര്‍ഹമും രൂപയും തമ്മിലെ വിനിമയ നിരക്ക് അറിയാം | UAE Market Today

യുഎഇ രൂപീകരിക്കുന്നതിന് ഏകദേശം 15 വര്‍ഷങ്ങള്‍ക്ക് മുമ്പ്, 1956 ജൂണ്‍ 1നാണ് അവരുടെ നാടിനെയും ജനങ്ങളെയും സംരക്ഷിക്കുക എന്ന ലക്ഷ്യത്തോടെ ദുബൈ പൊലിസ് നിലവില്‍ വന്നതി. ഇപ്പോള്‍, 69 വര്‍ഷങ്ങള്‍ക്ക് ശേഷം, കാലം മാറി, ഉപകരണങ്ങള്‍ മാറി, പക്ഷേ സേന അവരുടെ നാടിനെയും ജനങ്ങളെയും സംരക്ഷിക്കുന്നത് തുടരുന്നു.

ദുബൈ പൊലിസിന്റെ ആദ്യ കമാന്‍ഡര്‍-ഇന്‍-ചീഫ് പീറ്റര്‍ ക്ലേട്ടണ്‍ ആയിരുന്നു. നന്നായി അറബി സംസാരിക്കുകയും പരമ്പരാഗത ബെഡൂയിന്‍ വസ്ത്രം ധരിക്കുകയും ചെയ്തിരുന്ന ബ്രിട്ടീഷ് പൗരനായിരുന്നു അദ്ദേഹം. കളിമണ്ണുകൊണ്ട് നിര്‍മ്മിച്ച നായിഫ് കോട്ടയായിരുന്നു ദുബൈ പൊലിസിന്റെ ആദ്യ ആസ്ഥാനം.

Hajj 2025: യു.എ.ഇയില്‍ നിന്ന് 6,228 തീര്‍ഥാടകര്‍, സ്വീകരിക്കാന്‍ പ്രത്യേക ക്യാംപുകള്‍; സൗകര്യങ്ങള്‍ പരിശോധിച്ച് ഉറപ്പുവരുത്തിയതായി ഹജ്ജ് കാര്യാലയം

അന്നത്തെ ദുബൈ ഭരണാധികാരി സയീദ് ബിന്‍ മക്തൂം ബിന്‍ ഹാഷര്‍ അല്‍ മക്തൂമിന്റെ മകനായ ഷെയ്ഖ് റാഷിദ് ബിന്‍ സയീദ് അല്‍ മക്തൂം പുറപ്പെടുവിച്ച ഉത്തരവിന്റെ അടിസ്ഥാനത്തിലാണ് ദുബൈ പൊലിസ് സ്ഥാപിതമായത്. 1958ല്‍ ദുബൈ ഭരണാധികാരിയായി ഷെയ്ഖ് റാഷിദ് ബിന്‍ സയീദ് അധികാരമേറ്റു. യുഎഇയുടെ സ്ഥാപക നേതാക്കളില്‍ ഒരാളായിരുന്നു അദ്ദേഹം. പിന്നീട് അദ്ദേഹം യുഎഇയുടെ വൈസ് പ്രസിഡന്റും പ്രധാനമന്ത്രിയുമായി മാറി.

1973ല്‍ ദുബൈ പൊലിസിന്റെ ആസ്ഥാനം അല്‍ ത്വാറിലേക്ക് മാറ്റി. ദുബൈ പൊലിസിന്റെ ആസ്ഥാനമായി ഇന്നും അത് തുടരുന്നു. എന്നിരുന്നാലും, ദുബൈ പൊലിസിന്റെ ആദ്യത്തെ ആസ്ഥാനം അവര്‍ വിസ്മരിക്കുകയോ ഓര്‍മകള്‍ക്ക് വിട്ടുകൊടുക്കുകയോ ചെയ്തില്ല. ദുബൈ പൊലിസിന്റെ ആദ്യത്തെ ആസ്ഥാനം നിലവില്‍ ദെയ്‌റയിലെ നായിഫ് പൊലിസ് സ്റ്റേഷനാക്കി മാറ്റി.

1990കളുടെ തുടക്കത്തില്‍, അന്നത്തെ യുഎഇ പ്രതിരോധ മന്ത്രിയായിരുന്ന ഷെയ്ഖ് മുഹമ്മദ് നായിഫ് പൊലിസ് സ്റ്റേഷന്‍ പുനഃസ്ഥാപിക്കാന്‍ ഉത്തരവിട്ടു. 1994 ജൂലൈയില്‍, ചെറിയ അറ്റകുറ്റപ്പണികള്‍ മാത്രം നടത്തി ടവര്‍ ഒഴികെയുള്ള മുഴുവന്‍ കെട്ടിടത്തിന്റെയും പുനര്‍നിര്‍മ്മാണത്തോടെ ഇതിനുള്ള പ്രക്രിയ ആരംഭിച്ചു. കോട്ടയുടെ ആദ്യം നിര്‍മ്മിക്കപ്പെട്ട ഭാഗമായിരുന്നു ഈ ഗോപുരം. ഭാഗികമായി ജയിലായി ഉപയോഗിച്ചിരുന്നതിനാല്‍ അല്‍ മക്ബാദ് എന്നായിരുന്നു ഇതിന്റെ പേര്.

ദുബൈയ്ക്ക് കുതിരകളോട് പണ്ടേ ഒരു ഇഷ്ടമുണ്ട്. ദുബൈ പൊലിസും വ്യത്യസ്തമായിരുന്നില്ല. ഇന്റലിജന്‍സ് ഓഫീസുകള്‍, താമസസ്ഥലങ്ങള്‍ എന്നിവയ്‌ക്കൊപ്പം, പട്രോളിംഗ് കുതിരകള്‍ക്കായി അനുവദിച്ച ഒരു പ്രത്യേക സ്റ്റേബിളും കോട്ടയില്‍ ഉണ്ടായിരുന്നു.

കോട്ടയില്‍ ഇപ്പോള്‍ ഒരു മ്യൂസിയമുണ്ട്. അവിടെ ദുബൈ അധികൃതരുടെ ചരിത്രം പ്രദര്‍ശിപ്പിക്കുന്ന ലൈഫ് സൈസ് മോഡലുകളും പ്രദര്‍ശനങ്ങളും ഇടംപിടിച്ചിരിക്കുന്നു.

1956ല്‍ ഒരു കോട്ടയില്‍ നിന്ന് ആദ്യമായി പ്രവര്‍ത്തനം ആരംഭിച്ച ദുബൈ പൊലിസ് ഇപ്പോള്‍ പതിനയ്യായിരത്തിലധികം ജീവനക്കാരും 25ലധികം സ്മാര്‍ട്ട് പൊലിസ് സ്റ്റേഷനുകളുമുള്ള ഒരു വലിയ സ്ഥാപനമാണ്.

ഷാര്‍ജയിലെ ഇന്ധന ഗോഡൗണില്‍ തീപിടിത്തം: തീ പൂര്‍ണമായും നിയന്ത്രണവിധേയമാക്കിയത് 16 മണിക്കൂര്‍ നീണ്ട പ്രയത്‌നത്തിനൊടുവില്‍

AI സഹായത്തോടെയുള്ള സേവനങ്ങളിലൂടെയും സംവേദനാത്മക മോഡലുകളിലൂടെയും മനുഷ്യന്റെ ഇടപെടലുകളില്ലാതെ ഈ സ്മാര്‍ട്ട് സ്റ്റേഷനുകള്‍ 24 മണിക്കൂറും പ്രവര്‍ത്തിക്കുന്നു. ഇപ്പോള്‍, ഡ്രൈവ്ത്രൂസ് വഴി ഉപഭോക്താക്കള്‍ക്ക് പൊലിസ് സഹായം പോലും ആക്‌സസ് ചെയ്യാന്‍ കഴിയും.

അവശിഷ്ടങ്ങള്‍ക്കടിയില്‍ ജീവന്റെ ലക്ഷണങ്ങള്‍ കണ്ടെത്താന്‍ കഴിവുള്ള സോണിക് സ്‌കാനറുകള്‍ മുതല്‍ രക്ഷാപ്രവര്‍ത്തന ഡ്രോണുകള്‍ വരെ പൊലിസ് പ്രവര്‍ത്തനങ്ങളില്‍ ഇപ്പോള്‍ പ്രധാന പങ്ക് വഹിക്കുന്നു. ഉദ്യോഗസ്ഥര്‍ക്ക് കടന്നുപോകാന്‍ കഴിയാത്ത ഇടുങ്ങിയതും അപകടകരവുമായ ഇടങ്ങളില്‍ എത്തിച്ചേരാന്‍ റോബോട്ടുകള്‍ ഫീല്‍ഡ് പ്രവര്‍ത്തനങ്ങളില്‍ സഹായിക്കുന്നു.

Dubai Police marks its 69th anniversary today. Established in 1956, the force predates the formation of the UAE and is now a global model in smart policing and security innovation.