തിരുവനന്തപുരം: വേനൽ അവധിക്ക് ശേഷം സംസ്ഥാനത്തെ സ്കൂളുകൾ വീണ്ടും തുറന്നു. സംസ്ഥാന പ്രവേശനോത്സവം മുഖ്യമന്ത്രി പിണറായി വിജയൻ നിർവഹിച്ചു. ആലപ്പുഴയിലെ കലവൂർ ഗവൺമെൻറ് ഹയർ സെക്കൻഡറി സ്കൂളിലായിരുന്നു സംസ്ഥാനതല ഉദ്‌ഘാടനം നടന്നത്. പൊതുവിദ്യാഭ്യാസ മന്ത്രി വി. ശിവൻകുട്ടി അധ്യക്ഷത വഹിച്ചു. മൂന്നു ലക്ഷത്തിലധികം കുട്ടികളാണ് ഇത്തവണ അക്ഷര ലോകത്തേക്ക് പുതുതായി എത്തിയത്. നവാഗതരെ വരവേൽക്കാൻ സംസ്ഥാനത്തെ സ്‌കൂളുകൾ എല്ലാം വൻ ഒരുക്കങ്ങളാണ് നടത്തിയത്.

ALSO READ: കുട്ടികളെ ആദ്യമായി സ്‌കൂളിലേക്ക് അയക്കുമ്പോള്‍ മാതാപിതാക്കളറിയാന്‍ 

സംസ്ഥാന പ്രവേശനോത്സവ ചടങ്ങിന്റെ ലൈവ് വിഡിയോ എല്ലാ സ്കൂളുകളിലും പ്രദർശിപ്പിച്ചു. തുടർന്ന് സ്കൂൾതല പ്രവേശനോത്സവം നടന്നു. മന്ത്രിമാരും കലക്ടർമാരും ജില്ലാതല പ്രവേശനോത്സവങ്ങൾ ഉദ്ഘാടനം ചെയ്തു.

ALSO READ: മണിമുഴക്കാം കരുതലിൻ്റെ പാഠങ്ങൾക്ക്

പുതിയ ക്ലാസ്, പുതിയ ടീച്ചർ, പുതിയ പുസ്തകങ്ങൾ, പുതിയ അറിവുകൾ... എല്ലാംകൊണ്ടും പുതിയൊരാളാകാനുള്ള ഒരുക്കത്തോടെ വിദ്യാർഥികൾ വീണ്ടും സ്‌കൂളിലേക്ക് എത്തിയത്. സംസ്ഥാനത്താകെ 44 ലക്ഷത്തോളം വിദ്യാർഥികൾ ആണ് വേനലവധിക്ക് ശേഷം സ്‌കൂളുകളിൽ എത്തിയത്. മൂന്ന് ലക്ഷത്തോളം കുട്ടികൾ ഒന്നാം ക്ലാസിൽ പ്രവേശനം നേടുമെന്നാണ് വിദ്യാഭ്യാസ വകുപ്പിന്റെ കണക്കുകൂട്ടൽ. സംസ്ഥാനത്ത് സർക്കാർ, എയ്ഡഡ്, അൺ എയ്ഡഡ് മേഖലകളിലായി 12,948 സ്‌കൂളുകളാണ് ഉള്ളത്.

ALSO READ: സ്‌കൂൾകാലം വൈബാക്കാം

അടുത്ത അധ്യയനവർഷം മുതൽ ആറാം വയസിലാണ് ഒന്നാം ക്ലാസ് പ്രവേശനം. കാലവർഷം ശക്തമായാൽ സ്കൂൾ തുറക്കൽ മാറ്റിവെക്കുമെന്ന അഭ്യൂഹം ഉണ്ടായിരുന്നെങ്കിലും മഴ മാറി നിൽക്കുന്നത് കുട്ടികൾക്കും അധ്യാപകർക്കും രക്ഷിതാക്കൾക്കും വിദ്യാഭ്യാസ വകുപ്പിനും ആശ്വാസമായി. ഹൈസ്കൂൾ വിഭാഗത്തിൽ അരമണിക്കൂലധികം ക്ലാസുകൾ നടത്തുന്ന രീതിയിലായിരിക്കും അധ്യയനം. രാവിലെ പത്ത് മണി മുതൽ വൈകിട്ട് നാലരവരെയായിരിക്കും ക്ലാസുകൾ. അഞ്ചാം ക്ലാസ് മുതൽ ഒൻപതാം ക്ലാസ് വരെയ ഓൾ പാസ് ഇത്തവണ മുതൽ ഉണ്ടായിരിക്കില്ല.

After the summer vacation, schools across the state have reopened. The state-level school reopening festival (Praveshanolsavam) was inaugurated by Chief Minister Pinarayi Vijayan. The official inauguration took place at Kalavoor Government Higher Secondary School in Alappuzha. Minister for General Education V. Sivankutty presided over the function.