ദുബൈ: യുഎഇയില്‍ ജോലിക്ക് അപേക്ഷിക്കുമ്പോള്‍ മറുപടിയൊന്നും ലഭിന്നില്ലെങ്കില്‍ വിഷമിക്കേണ്ട, ഇക്കാര്യത്തില്‍ നിങ്ങള്‍ ഒറ്റയ്ക്കല്ല. ആഗോള റിക്രൂട്ട്മെന്റ് സ്ഥാപനമായ റോബര്‍ട്ട് വാള്‍ട്ടേഴ്സ് അടുത്തിടെ നടത്തിയ ഒരു സര്‍വേ പ്രകാരം, മിഡില്‍ ഈസ്റ്റിലെ തൊഴിലന്വേഷകരില്‍ 84% പേരുടെയും അപേക്ഷകള്‍ നിരസിക്കപ്പെടുന്നതായാണ് കണക്കുകള്‍ വ്യക്തമാക്കുന്നത്. 

ALSO READ: ജനന-മരണ രജിസ്‌ട്രേഷന്‍ സേവനങ്ങള്‍ നിര്‍ത്തലാക്കി യുഎഇ ആരോഗ്യ മന്ത്രാലയം; സേവനങ്ങള്‍ ഇനി മുതല്‍ ഈ സംവിധാനത്തിനു കീഴില്‍

കൂടുതല്‍ പേരും തൊഴില്‍ ലഭിക്കാനായി ആര്‍ട്ടിഫിഷ്യല്‍ ഇന്റലിജന്‍സി(AI)ലേക്ക് തിരിയുമ്പോള്‍, ഇത് കാര്യങ്ങള്‍ കൂടുതല്‍ വഷളാക്കുകയേയുള്ളൂവെന്നാണ് റിക്രൂട്ടര്‍മാര്‍ പറയുന്നത്.

59%-ത്തിലധികം ഉദ്യോഗാര്‍ത്ഥികളും ഇപ്പോള്‍ സിവികളും കവര്‍ ലെറ്ററുകളും തയ്യാറാക്കാന്‍ എഐ ഉപകരണങ്ങളാണ് ഉപയോഗിക്കുന്നതെന്ന് സര്‍വേ വെളിപ്പെടുത്തി. ഇക്കാര്യങ്ങള്‍ക്കായി 16% പേര്‍ പതിവായി എഐ ഉപകരങ്ങളാണ് ഉപയോഗിക്കുന്നതെന്നും കണക്കുകള്‍ സൂചിപ്പിക്കുന്നു.

ALSO READ: യുഎഇയിലെ ഏറ്റവും പുതിയ സ്വര്‍ണം, വെള്ളി, ഇന്ധനവില; ഇന്നത്തെ ദിര്‍ഹമും രൂപയും തമ്മിലെ വിനിമയ നിരക്ക് അറിയാം | UAE Market Today

ഇത് അപേക്ഷകള്‍ വേഗത്തിലാക്കാന്‍ സഹായിക്കുമെങ്കിലും, 67% നിയമന മാനേജര്‍മാരും പറയുന്നത് ഒരു സിവി എപ്പോള്‍ എഐജനറേറ്റ് ചെയ്യപ്പെടുന്നു എന്ന് തങ്ങള്‍ക്ക് പറയാന്‍ കഴിയുമെന്നാണ്. പലപ്പോഴും പൊതുവായ ഭാഷയും അമിതമായി മിനുക്കിയ ഫോര്‍മാറ്റിംഗുമാണ് ഇതിനു പിന്നിലെ രഹസ്യം. 41% റിക്രൂട്ടര്‍മാര്‍ക്ക്, എഐ ഉപയോഗം കണ്ടെത്തുന്നത് അപേക്ഷകനില്‍ നെഗറ്റീവ് ഇംപ്രഷന്‍ സൃഷ്ടിക്കുന്നു എന്നും സര്‍വേ വെളിപ്പെടുത്തുന്നു.

'എഐ ഒരു കുറുക്കുവഴിയായി തോന്നിയേക്കാം, പക്ഷേ അത് പലപ്പോഴും തിരിച്ചടിയാകും. മാനേജര്‍മാരെ നിയമിക്കുന്നത് ആധികാരികതയെ വിലമതിച്ചും ഒരു ഉദ്യോഗാര്‍ത്ഥിയുടെ എക്‌സ്പീരിയന്‍സ് പ്രയോജനപ്പെടുത്താന്‍ ഉദ്ദേശിച്ചുമാണ്,' റോബര്‍ട്ട് വാള്‍ട്ടേഴ്സ് മിഡില്‍ ഈസ്റ്റിലെ മാനേജിംഗ് ഡയറക്ടര്‍ ജേസണ്‍ ഗ്രണ്ടി പറഞ്ഞു.

ALSO READ: 30 കിലോയുള്ള ഇന്ത്യന്‍ ആടിന് വില 2000 ദിര്‍ഹത്തോളം; യുഎഇ വിപണി കീഴടക്കി ഇന്ത്യന്‍ ആടുകള്‍

44% ഹിയറിംങ് മാനേജര്‍മാരും പരിചയക്കുറവ് കാരണമാണ് മിക്ക ഉദ്യോഗാര്‍ത്ഥികളുടെയും അപേക്ഷകള്‍ നിരസിക്കുന്നത്. 62% ഉദ്യോഗാര്‍ത്ഥികളും പറയുന്നത് ദീര്‍ഘമായതോ സങ്കീര്‍ണ്ണമോ ആയ അപേക്ഷാ പ്രക്രിയകള്‍ തങ്ങള്‍ ബുദ്ധിമുട്ടിക്കുന്നില്ല എന്നാണ്. എഐ ജനറേറ്റഡ് സിവികള്‍, കോപ്പി-പേസ്റ്റ് കവര്‍ ലെറ്ററുകള്‍, നോണ്‍-ടെയിലേര്‍ഡ് ആപ്ലിക്കേഷനുകള്‍ എന്നിവ പലപ്പോഴും ഉദ്യോഗാര്‍ത്ഥികള്‍ക്ക് തിരിച്ചടിയാകുന്നു.

എഐ ഉപകരണങ്ങള്‍ ഉപയോഗിച്ച് സിവി, കവര്‍ ലെറ്റര്‍ എന്നിവ തയ്യാറാക്കുന്ന രീതി ഉപേക്ഷിച്ചാല്‍ തന്നെ കുറഞ്ഞ വര്‍ഷത്തെ പ്രവൃത്തി പരിചയമുള്ളവര്‍ക്ക് പോലും യുഎഇയില്‍ ജോലി ലഭിക്കുമെന്നാണ് വിദഗ്ധര്‍ പറയുന്നത്.

Struggling to find a job in the UAE? Avoid these key mistakes in your CV, interviews, and job search strategy to improve your chances of getting hired quickly in the UAE job market.