മഹാത്മാ ഗാന്ധി സർവകലാശാലയുടെ അഫിലിയേറ്റഡ് കോളജുകളിലെ  ഓണേഴ്‌സ് ബിരുദ, ഇന്റഗ്രേറ്റഡ് പ്രോഗ്രാമുകളിലും സർവകലാശാലയുടെ ഗ്രാജ്വേറ്റ് സ്‌കൂളിന്റെ 4+1 ഓണേഴ്‌സ് പ്രോഗ്രാമുകളിലും പ്രവേശനത്തിന്  ഏഴുവരെ ഓൺലൈനിൽ cap.mgu.ac.inhttps://cap.mgu.ac.in/ രജിസ്റ്റർ ചെയ്യാം.

കോട്ടയം, എറണാകുളം, ഇടുക്കി, പത്തനംതിട്ട, ആലപ്പുഴ ജില്ലകളിലായി 258 അഫിലിയേറ്റഡ് കോളജുകളാണ് സർവകലാശാലയ്ക്കുള്ളത്. എയ്ഡഡ് കോളജുകളിലെ കമ്യൂണിറ്റി മെറിറ്റ് , മാനേജ്‌മെന്റ്  ക്വാട്ട, സ്‌പോർട്‌സ്, ഭിന്നശേഷി ക്വാട്ടകൾ എന്നിവയിൽ പ്രവേശനം തേടുന്നവരും ഓൺലൈൻ രജിസ്‌ട്രേഷൻ നടത്തണം. സാധ്യതാ അലോട്ട്‌മെന്റ് 12നും  ആദ്യ അലോട്ട്‌മെന്റ് 18നും പ്രസിദ്ധീകരിക്കും. സ്‌പോർട്‌സ്, കൾച്ചറൽ, വികാലംഗ ക്വാട്ടകളിലെ താൽകാലിക റാങ്ക് ലിസ്റ്റ് 11നും അന്തിമ റാങ്ക് ലിസ്റ്റ് 13നും പ്രസിദ്ധീകരിക്കും. ഈ ക്വാട്ടകളിലെ പ്രവേശനം ജൂൺ 13, 14 തീയതികളിൽ  കോളജുകളിൽ നടക്കും.

പി.ജി, ബി.എഡ്:  രജിസ്‌ട്രേഷൻ 10 വരെ

മഹാത്മാ ഗാന്ധി സർവകലാശാലയുടെ അഫിലിയേറ്റഡ് കോളജുകളിലെ ബിരുദാനന്തര ബിരുദ പ്രോഗ്രാമുകളിൽ ഏകജാലക സംവിധാനം വഴി പ്രവേശനത്തിന് ജൂൺ 10 വരെ cap.mgu.ac.inൽ  രജിസ്റ്റർ ചെയ്യാം. സാധ്യതാ അലോട്ട്‌മെന്റ് 16 നും ഒന്നാം അലോട്ട്‌മെന്റ് 24നും പ്രസിദ്ധീകരിക്കും. സ്‌പോർട്‌സ്, കൾച്ചറൽ, വികലാംഗ ക്വാട്ടകളിലെ താൽകാലിക റാങ്ക് ലിസ്റ്റ് 20നും അന്തിമ ലിസ്റ്റ് 25നും പ്രസിദ്ധീകരിക്കുകയും പ്രവേശനം 25, 26 തീയതികളിൽ കോളജുകളിൽ നടത്തുകയും ചെയ്യും.

കൂടുതല്‍ education വാര്‍ത്തകള്‍ക്ക് ഗ്രൂപ്പില്‍ ജോയിന്‍ ചെയ്യുക

ഇംഗ്ലിഷ് ഫോർ കമ്മ്യൂണിക്കേഷനിൽ പി.ജി ഡിപ്ലോമ

കേരള യൂനിവേഴ്സിറ്റിയുടെ ഇൻസ്റ്റിറ്റ്യൂട്ട് ഓഫ് ഇംഗ്ലിഷ് നടത്തുന്ന പാർട്ട് ടൈം കോഴ്സ് പോസ്റ്റ് ഗ്രാജുവേറ്റ് ഡിപ്ലോമ ഇൻ ഇംഗ്ലിഷ് ഫോർ കമ്മ്യൂണിക്കേഷൻ (PGDEC) കോഴ്സിലേക്കായി ഓൺലൈനായി (pgdec.keralauniversity.ac.in/) അപേക്ഷകൾ ക്ഷണിക്കുന്നു.
അംഗീകൃത സർവ്വകലാശാലകളിൽനിന്നുള്ള ബിരുദധാരികൾക്ക് അപേക്ഷിക്കാം. സർവകലാശാല നടത്തുന്ന പ്രവേശനപരീക്ഷയുടെ അടിസ്ഥാനത്തിലായിരിക്കും തെരഞ്ഞെടുപ്പ്. ക്ലാസുകൾ തിങ്കൾ മുതൽ വെള്ളി വരെ വൈകിട്ട് അഞ്ചു മുതൽ ഏഴു വരെയായിരിക്കും. പ്രോസ്‌പെക്ടസും കോഴ്സിന്റെ വിശദവിവരങ്ങളും അപേക്ഷ പോർട്ടലിൽ ലഭ്യമാണ്. അവസാന തീയതി : ജൂൺ 8. കൂടുതൽ വിവരങ്ങൾക്ക് : ഇൻസ്റ്റിറ്റ്യൂട്ട് ഓഫ് ഇംഗ്ലിഷ്, കേരള യൂനിവേഴ്സിറ്റി. സെനറ്റ് ഹൗസ് ക്യാംപസ്, പാളയം, തിരുവനന്തപുരം -695034.

സ്‌കോൾ-കേരള പ്ലസ് ടു: രജിസ്‌ട്രേഷൻ ഇന്നു മുതൽ

സ്‌കോൾ-കേരള മുഖേന 2025-26 അധ്യയന വർഷത്തെ ഹയർസെക്കൻഡറി കോഴ്സ് രണ്ടാം വർഷ പ്രവേശനത്തിനും പുനഃപ്രവേശനത്തിനും അപേക്ഷ ക്ഷണിച്ചു. www.scolekerala.org മുഖേന ഇന്നു മുതൽ 30 വരെ ഓൺലൈനായി രജിസ്റ്റർ ചെയ്യാം. 
പ്രവേശനയോഗ്യതകളും നിബന്ധനകളും ഫീസ് ഘടനയും മറ്റു വിശദാംശങ്ങളും സ്‌കോൾ-കേരള വെബ്സൈറ്റിൽ ലഭ്യമാണ്. സി.ബി.എസ്.ഇ, ഐ.സി.എസ്.ഇ മറ്റ് സ്റ്റേറ്റ് ബോർഡുകൾ മുഖേന ഒന്നാം വർഷ ഹയർസെക്കൻഡറി കോഴ്സ് പൂർത്തിയാക്കിയവർക്കും നിബന്ധനകൾക്ക് വിധേയമായി പ്രവേശനം അനുവദിക്കും. ഓൺലൈനായി രജിസ്റ്റർ ചെയ്ത അപേക്ഷയുടെ പ്രിന്റ് ഔട്ടും, നിർദ്ദിഷ്ട രേഖകളും എക്സിക്യൂട്ടീവ് ഡയറക്ടർ, സ്‌കോൾ-കേരള, വിദ്യാഭവൻ, പൂജപ്പുര പി.ഒ., തിരുവനന്തപുരം 695 012 എന്ന മേൽവിലാസത്തിൽ നേരിട്ടോ സ്പീഡ്, രജിസ്ട്രേഡ് തപാൽ മാർഗമോ ജൂലൈ രണ്ടിനകം ലഭ്യമാക്കണം.

Integrated degree programs at MG University apply now