ബാഴ്‌സലോണയുടെ 17കാരനായ ഫോർവേഡ് ലാമിൻ യമലിന്റേ ഗംഭീര പ്രകടനം അദ്ദേഹത്തെ ക്ലബ്ബ് ഇതിഹാസം ലയണൽ മെസ്സിയുമായി താരതമ്യം ചെയ്യാൻ കാരണമായതിനെ കുറിച്ച് മാഞ്ചസ്റ്റർ സിറ്റി മാനേജർ പെപ് ഗ്വാർഡിയോള തന്റെ പ്രതികരണം അറിയിച്ചു. DAZN ഫുട്ബോളിന് നൽകിയ അഭിമുഖത്തിൽ, ബാഴ്‌സയിലേയും യൂറോപ്പിലേയും യുവതാരമെന്ന നിലയിൽ വലിയ ശ്രദ്ധ നേടുന്ന യമലിന്റേ വളർച്ചയെ അദ്ദേഹം പ്രശംസിച്ചെങ്കിലും, മെസ്സിയുമായുള്ള താരതമ്യം ശരിയല്ലെന്നും അഭിപ്രായപ്പെട്ടു.

"മെസ്സി എപ്പോഴും വ്യത്യസ്തനാണ്. അതിനാൽ, യമൽ മെസ്സിയാകുമെന്നത് യുക്തിയില്ലാത്തത്," ഗ്വാർഡിയോള വ്യക്തമാക്കി.

2023–24 സീസണിൽ ലാ ലിഗയും കോപ്പ ഡെൽ റേയും സ്വന്തമാക്കാൻ ബാഴ്‌സയെ സഹായിച്ച യമൽ, യുവേഫ ചാമ്പ്യൻസ് ലീഗിന്റെ സെമിഫൈനലിലേക്കും ടീമിനെ നയിച്ചു. യൂറോ 2024-ൽ സ്പെയിനിന്റെ കിരീട ജയം ഉറപ്പാക്കുന്നതിലും യമൽ നിർണായക പങ്ക് വഹിച്ചു. നാഷൻസ് ലീ​ഗ് സെമിഫൈനലിൽ ഫ്രാൻസിനെതിരായ മത്സരത്തിൽ ഇരട്ടഗോളുകൾ നേടിയതോടെയാണ് സ്പെയിൻ ഫൈനലിലെത്തിയത്.

യമൽ ബാലൺ ഡി ഓർ പുരസ്‌കാരത്തിനായി പരിഗണിക്കപ്പെടുന്ന ഏറ്റവും പ്രായം കുറഞ്ഞ താരമാകാനും സാധ്യതയുണ്ട്. ഇനി ഫൈനൽ സിമയിൽ അർജന്റീനയും സ്പെയിനും ഏറ്റുമുട്ടുമ്പോൾ മെസ്സിയേയും യമലിനേയും നേരിട്ട് കാണാനാകും.

ഇതിന് പിന്നാലെ, ഇന്റർ മിലാന്റെ  ഡയറക്ടറും മെസ്സിയുടെ സഹതാരവുമായിരുന്ന ഹാവിയർ സനെറ്റിയും പ്രതികരിച്ചു. “മെസ്സിയുടെ കരിയറിന്റെ ദൈർഘ്യം അതിശയപ്പെടുത്തുന്നതാണ്. ഇപ്പോൾ യമലിനെ അവനുമായി താരതമ്യം ചെയ്യരുത്," സനെറ്റി പറഞ്ഞു.

ലാമിൻ യമൽ ഇതുവരെ 100-ലധികം മത്സരങ്ങൾ പ്രൊഫഷണലായി കളിച്ചുവെങ്കിലും, മെസ്സിയെ മറികടക്കാൻ ഇനിയും ഏറെ ദൂരം അവശേഷിക്കുന്നു. എന്നിരുന്നാലും, പ്രായം കണക്കിലെടുത്താൽ അതിന് യമലിന് ഏറെ സമയവും സാധ്യതയുമുണ്ട്.

Manchester City manager Pep Guardiola has commented on comparisons between Barcelona’s teenage sensation Lamine Yamal and football legend Lionel Messi. In an interview with DAZN, Guardiola praised Yamal's talent and rapid rise but emphasized that Messi is "always different" and should not be compared to anyone. He said that such comparisons are premature and unrealistic given Messi’s unmatched legacy in world football.