ഇടുക്കി: നെടുംകണ്ടം തൂവൽ വെള്ളച്ചാട്ടത്തിൽ ഒഴുക്കിൽപ്പെട്ട യുവാവിനെ നാട്ടുകാർ രക്ഷപ്പെടുത്തി. ഇന്നലെ വൈകിട്ടാണ് സംഭവം നടന്നത്. രാമക്കൽമേട് സന്ദർശിക്കാൻ എത്തിയ നാലാംഗ സംഘം തൂവൽ വെള്ളച്ചാട്ടത്തിൽ എത്തി ഫോട്ടോയെടുക്കുന്നതിനിടെയാണ് അപകടം നടന്നത്. മധുര സ്വദേശിയായ യുവാവ് കാല് തെറ്റി  വെള്ളത്തിലേക്ക് വീഴുകയായിരുന്നു.

ഒഴുക്കിപ്പെട്ട് തൊട്ടടുത്ത പാറയിൽ യുവാവ് തങ്ങി നിൽക്കുകയായിരുന്നു. അപകടം നടന്ന ഉടനെ തന്നെ കൂടെ ഉണ്ടായിരുന്ന ആളുകൾ ബഹളം വച്ചതോടെ നാട്ടുകാർ സംഭവസ്ഥലത്ത് എത്തി യുവാവിന്റെ ശരീരത്തിൽ കയർ കെട്ടി വലിച്ച് രക്ഷപ്പെടുത്തുകയായിരുന്നു.

കനത്ത മഴയെത്തുടർന്ന് വെള്ളച്ചാട്ടങ്ങളിലേക്ക് ഉള്ള സന്ദർശനം ഒഴിവാക്കിയിരുന്നു.  എന്നാൽ മഴ കുറഞ്ഞതോടെ നിരവധി ആളുകളാണ് വെള്ളച്ചാട്ടം കാണാനായി ഇവിടെ എത്തുന്നത്. വെള്ളച്ചാട്ടത്തിൽ ഇറങ്ങുന്ന നിർദ്ദേശം ഉണ്ടായിട്ടും ഇതെല്ലാം അവഗണിച്ചാണ് ആളുകൾ വെള്ളച്ചാട്ടത്തിൽ ഇറങ്ങുന്നത്.

Locals rescue young man who fell into waterfall while taking photos