ജിദ്ദ: മലയാളി ഹജ്ജ് തീർഥാടക മക്കയിൽ ഹൃദയാഘാതം മൂലം അന്തരിച്ചു. കാസർകോട് ഉപ്പള സ്വദേശി ആരിഫാ(57) ആണ് വിശുദ്ധ നഗരിയിൽ വച്ച് മരിച്ചത്. ഹജ്ജിന്റെ പ്രധാന കർമ്മങ്ങൾ പൂർത്തീകരിച്ച് മിനയിലെ ജംറയിൽ കല്ലേറ് കർമ്മവും നിർവ്വഹിച്ച് തമ്പുകളുടെ നഗരമായ മിനയിൽ നിന്ന് മടങ്ങി താമസസ്ഥലത്ത് എത്തിയതായിരുന്നു ആരിഫ. 

അസീസിയായിലെ താമസസ്ഥലത്ത് വിശ്രമിക്കുന്നതിനിടെ ആരിഫയ്ക്ക് ഹൃദയാഘാതം ഉണ്ടാവുകയും സംഭവസ്ഥലത്ത് വെച്ച് തന്നെ മരണം സംഭവിക്കുകയായിരുന്നുവെന്നു ബന്ധുക്കൾ അറിയിച്ചു.  

സംസ്ഥാന ഹജ് കമ്മറ്റിക്ക് കീഴിൽ ഭർത്താവിനൊപ്പമാണ് ആരിഫ ഹജ് നിർവ്വഹിക്കാൻ എത്തിയത്. നിയമനടപടികൾ പൂർത്തിയാക്കി മക്കയിൽതന്നെ മയ്യിത്ത് മറവു ചെയ്തു.

Malayali Hajj pilgrim dies of heart attack in Makkah