റിയാദ്: മയക്കുമരുന്ന് കടത്ത് കേസില്‍ പിടിക്കപ്പെട്ട രണ്ട് വിദേശികളുടെ കൂടി വധശിക്ഷ സഊദി അറേബ്യയില്‍ നടപ്പാക്കി. 
വന്‍തോതില്‍ ഹാഷിഷ് കടത്തിയ കേസില്‍ കുറ്റക്കാരെന്ന് കണ്ടെത്തിയ രണ്ടുപേരെയാണ് വധശിക്ഷയ്ക്കിരയാക്കിയത്. നജ്‌റാന്‍ ഗവര്‍ണറേറ്റിന് കീഴിലാണ് ശിക്ഷ നടപ്പാക്കിയത്. സോമാലിയന്‍ സ്വദേശികളായ മുഹമ്മദ് ഇബ്രാഹീം അബ്ദുല്ല, ഹംസ ഹസ്സന്‍ ഉമര്‍ ജമാല്‍ എന്നിവരാണ് മരിച്ചതെന്ന് സഊദി ആഭ്യന്തര മന്ത്രാലയം വെളിപ്പെടുത്തി.

രാജ്യത്തേക്ക് മയക്കുമരുന്ന് കടത്തുന്നതിനിടെയാണ് ഇരുവരും പിടിയിലായത്. കീഴ് കോടതി വധശിക്ഷ വിധിച്ച ഈ കേസ് പിന്നീട് അപ്പീല്‍ കോടതിയും സഊദി പരമോന്നത കോടതിയും ശരിവയ്ക്കുകയായിരുന്നു. രാജകീയ ഉത്തരവോടെയാണ് അന്തിമ തീരുമാനമെടുത്തത്. 

സഊദിയില്‍ വധശിക്ഷ ലഭിക്കാവുന്ന കൊടിയ കുറ്റമായാണ് ലഹരിക്കടത്ത് പരിഗണിക്കപ്പെടുന്നത്. ഇത്തരം കേസുകളിലെ പ്രതികള്‍ക്ക് ഏറ്റവും ഉയര്‍ന്ന ശിക്ഷ തന്നെ ഉറപ്പ് വരുത്തുമെന്നും ആഭ്യന്തര മന്ത്രാലയം ആവര്‍ത്തിച്ചു. ഒരാഴ്ച മുന്‍പ് സമാനമായ കേസില്‍ മറ്റ് രണ്ട് സോമാലിയന്‍ സ്വദേശികളുടെ വധശിക്ഷയും സഊദി നടപ്പാക്കിയിരുന്നു.

Saudi Arabia executes two Somali nationals in Najran for smuggling hashish. hey were executed after being convicted of smuggling hashish into Saudi Arabia. The case went through all legal procedures, including appeals and Supreme Court approval, and was finalized with a royal order.