മസ്‌കത്ത്: ഈ ശരത് കാലത്ത് ഒമാനിലെ സലാലയെയും സഊദി അറേബ്യന്‍ നഗരങ്ങളെയും തമ്മില്‍ ബന്ധിപ്പിക്കുന്ന പുതിയ ഖരീഫ് സീസണ്‍ സര്‍വീസുമായി ഫ്‌ളൈനാസ് വിമാനങ്ങള്‍ (Flynas Launches 16 Weekly Flights Linking Salalah to Saudi Cities This Khareef). റിയാദ്, ജിദ്ദ, ദമ്മാം എന്നിവിടങ്ങളിലേക്കാണ് സലാലയില്‍നിന്ന് നേരിട്ടുള്ള വിമാന സര്‍വീസുകള്‍ ആരംഭിച്ചത്. സലാല വിമാനത്താവളത്തെ സഊദിയിലെ പ്രധാന നഗരങ്ങളുമായി ബന്ധിപ്പിക്കുന്ന ഫ്‌ളൈനാസിന്റെ നേരിട്ടുള്ള അന്താരാഷ്ട്ര സര്‍വിസുകള്‍ ആരംഭിക്കുമെന്ന് ഒമാന്‍ എയര്‍പോര്‍ട്‌സ് ആണ് പ്രഖ്യാപിച്ചത്. 

ജനപ്രിയമായ ശരത് കാലത്ത് ദോഫാര്‍ മേഖലയിലേക്ക് യാത്രക്കാര്‍ വര്‍ധിച്ചുവരുന്ന സാഹചര്യത്തിലാണ് നടപടി. ഒമാന്‍ എയര്‍പോര്‍ട്‌സുമായും ട്രാന്‍സോമുമായും സഹകരിച്ചാണ് സര്‍വീസ് നടപ്പാക്കുന്നതെന്ന് കമ്പനി അറിയിച്ചു. പ്രധാന ടൂറിസ്റ്റ് കേന്ദ്രമായ സലാലയിലേക്ക് ആഴ്ചയില്‍ 16 വിമാന സര്‍വീസുകളാണ് ഇതുപ്രകാരം ഉണ്ടാകുക.

ഒമാനില്‍ തണുപ്പ് കാലം തുടങ്ങാനിരിക്കെ, ഈ സമയത്തെ ടൂറിസംമേഖലയിലെ ഉത്തേജനത്തെ പിന്തുണയ്ക്കുന്നതിനും ലോക്കല്‍ കണക്റ്റിവിറ്റി വര്‍ധിപ്പിക്കുന്നതിനുമാണ് പുതിയ സീസണല്‍ സര്‍വീസിലൂടെ ലക്ഷ്യമിടുന്നതെന്നും കമ്പനി പ്രസ്താവനയില്‍ പറഞ്ഞു.

• ആഴ്ചയില്‍ 16 വിമാനങ്ങള്‍
• സലാലയില്‍ നിന്ന് റിയാദിലേക്ക്
• സലാലയില്‍ നിന്ന് ജിദ്ദയിലേക്ക്
• സലാലയില്‍ നിന്ന് ദമ്മാമിലേക്ക്

Oman Airports has announced the launch of direct international routes by Flynas, connecting Salalah Airport with key cities in the Kingdom of Saudi Arabia.