ഇസ്‌റാഈലിനെതിരെ ഇറാന്‍ നടത്തിയ പ്രത്യാക്രമണത്തില്‍ 63 പേര്‍ക്ക് പരുക്കേറ്റതായി ടൈംസ് ഓഫ് ഇസ്‌റാഈല്‍ റിപ്പോര്‍ട്ട് ചെയ്തു. പരുക്കേറ്റവരില്‍ ഒരാള്‍ ഗുരുതരാവസ്ഥയിലാണെന്നും എട്ട് പേര്‍ക്ക് ഗുരുതരമായ പരുക്കുകളുണ്ടെന്നും ഇസ്‌റാഈല്‍ ആംബുലന്‍സ് ഏജന്‍സിയെ ഉദ്ധരിച്ചുകൊണ്ടുള്ള റിപ്പോര്‍ട്ടുകള്‍ വ്യക്തമാക്കുന്നു. 

നൂറിലധികം ഡ്രോണുകള്‍ ഉപയോഗിച്ച് ഇസ്‌റാഈലിനെ ആക്രമിച്ച ഇറാന്‍ തുടര്‍ന്ന് ബാലിസ്റ്റിക് മിസൈലുകള്‍ പ്രയോഗിച്ചു. ഇറാന്‍ പരമോന്നത നേതാവ് ആയത്തുള്ള അലി ഖമേനി ഇസ്‌റാഈല്‍ ആക്രമണത്തിന് ശക്തമായ തിരിച്ചടി നല്‍കുമെന്ന് പ്രഖ്യാപിച്ചിരുന്നു. ഈ പ്രസ്താവനയ്ക്ക് ശേഷമാണ് ഇറാന്‍ ബാലിസ്റ്റിക് മിസൈല്‍ ആക്രമണം ആരംഭിച്ചത്. 'ഓപ്പറേഷന്‍ ട്രൂ പ്രോമിസ്3' എന്ന പേരിലുള്ള ഈ ആക്രമണത്തില്‍ ഇസ്‌റാഈലിലെ നിരവധി സൈനിക കേന്ദ്രങ്ങളും വ്യോമസേനാ താവളങ്ങളും ലക്ഷ്യമാക്കിയിരുന്നുവെന്ന് ഇറാനിയന്‍ റെവല്യൂഷണറി ഗാര്‍ഡ് വിശദീകരിച്ചു. ഇതിനെത്തുടര്‍ന്ന് ഇസ്‌റാഈല്‍ വീണ്ടും ഇറാനില്‍ ആക്രമണം നടത്താന്‍ തയ്യാറെടുക്കുകയാണെന്ന് സൂചനകളുണ്ട്. 

ഇറാന്റെ ആക്രമണത്തില്‍ ഇസ്‌റാഈലിലെ നിരവധി കെട്ടിടങ്ങള്‍ തകര്‍ന്നിട്ടുണ്ട്. ടെല്‍ അവീവ് പ്രദേശത്തും അതിനോട് ചേര്‍ന്ന പ്രദേശങ്ങളിലും ആക്രമണങ്ങള്‍ നടന്നിട്ടുണ്ട്. അതേസമയം, ആക്രമണത്തില്‍ പരുക്കേറ്റവരുടെ എണ്ണം ഇതുവരെ കൃത്യമായി സ്ഥിരീകരിക്കാന്‍ കഴിഞ്ഞിട്ടില്ലെന്നാണ് റിപ്പോര്‍ട്ടുകള്‍.

ആക്രമണങ്ങളെക്കുറിച്ച് ജനങ്ങള്‍ക്ക് മുന്‍കൂട്ടി മുന്നറിയിപ്പ് നല്‍കുന്നതിനായി ഇസ്‌റാഈലിലെ മിക്ക പ്രദേശങ്ങളിലും സൈറണുകള്‍ മുഴങ്ങി. ജനങ്ങളോട് സുരക്ഷിതമായ ഷെല്‍ട്ടറുകളിലേക്ക് മാറാന്‍ നിര്‍ദേശിച്ചു. ആക്രമണങ്ങളുടെ ദൃശ്യങ്ങള്‍ റെക്കോര്‍ഡ് ചെയ്യുന്നതോ ലൊക്കേഷന്‍ വിവരങ്ങള്‍ സോഷ്യല്‍ മീഡിയയില്‍ പങ്കുവെക്കുന്നതോ ഒഴിവാക്കാന്‍ ഇസ്‌റാഈല്‍ വ്യോമസേന ജനങ്ങളോട് അഭ്യര്‍ത്ഥിച്ചു.

According to reports from the Times of Israel, 63 people were injured in Iran's retaliatory strike against Israel. One victim is in critical condition, while eight others sustained serious injuries. The Israeli ambulance service confirmed the casualties amid escalating tensions between the two nations. Stay updated on the latest developments in this ongoing conflict.