ദുബൈ: ഇറാനില്‍ ഇസ്‌റാഈല്‍ നടത്തിയ ആക്രമണവും അതിന് പിന്നാലെ ഇറാന്റെ ഭാഗത്തുനിന്നുണ്ടായ പ്രത്യാക്രമണങ്ങളെയും തുടര്‍ന്ന് മേഖലയില്‍ യുദ്ധത്തിന്റെ കാര്‍മേഘങ്ങള്‍ ഉരുണ്ടുകൂടിയിരിക്കെ, എയര്‍ അറേബ്യ 10 രാജ്യങ്ങളിലേക്കുള്ള വിമാന സര്‍വീസുകള്‍ റദ്ദാക്കി. താഴെയുള്ള പത്ത് രാജ്യങ്ങളിലേക്കും തിരിച്ചുമുള്ള എല്ലാ വിമാന സര്‍വീസുകളും താല്‍ക്കാലികമായി നിര്‍ത്തിവച്ചതായി എയര്‍ അറേബ്യ പ്രസ്താവനയില്‍ പറഞ്ഞു.

ഇറാന്‍

ഇറാഖ്

ജോര്‍ദാന്‍

റഷ്യ

അര്‍മേനിയ

ഉസ്‌ബെക്കിസ്ഥാന്‍

അസര്‍ബൈജാന്‍

ജോര്‍ജിയ

കിര്‍ഗിസ്ഥാന്‍

കസാക്കിസ്ഥാന്‍

സാഹചര്യത്തിനനുസരിച്ച് ചില വിമാനങ്ങള്‍ക്ക് കാലതാമസം നേരിടുകയോ വഴിതിരിച്ചുവിടുകയോ ചെയ്‌തേക്കാമെന്നും എയര്‍ലൈന്‍ അഭിപ്രായപ്പെട്ടു.

ലോകത്തിലെ ഏറ്റവും തിരക്കേറിയ ചില വ്യോമ ഇടനാഴികളെ, പ്രത്യേകിച്ച് യൂറോപ്പിനെയും ഏഷ്യയെയും മിഡില്‍ ഈസ്റ്റ് വഴി ബന്ധിപ്പിക്കുന്ന റൂട്ടുകളെ ഈ പുതിയ സംഘര്‍ഷം സാരമായി ബാധിച്ചിട്ടുണ്ട്. യുഎഇ ആസ്ഥാനമായ മറ്റ് വിമാനക്കമ്പനികളായ എമിറേറ്റ്‌സ്, ഇത്തിഹാദ് എയര്‍വേയ്‌സ്, ഫ്‌ലൈദുബായ് എന്നിവയുള്‍പ്പെടെ നിരവധി അന്താരാഷ്ട്ര വിമാനക്കമ്പനികള്‍ അവരുടെ വിമാനങ്ങള്‍ റദ്ദാക്കുകയും കാലതാമസം വരുത്തുകയും റൂട്ട് മാറ്റുകയും ചെയ്തിട്ടുണ്ട്.

ടിക്കറ്റെടുത്ത് യാത്രയ്‌ക്കൊരുങ്ങും മുമ്പ് യാത്രക്കാര്‍ അവര്‍ ബുക്ക് ചെയ്ത വിമാനക്കമ്പനിയുടെ നിര്‍ദേശങ്ങള്‍ അറിയണമെന്ന് കമ്പനികള്‍ അറിയിച്ചിട്ടുണ്ട്.

 Air Arabia, the low-cost carrier based in Sharjah, has temporarily cancelled flights to and from several countries due to the 'current situation and airspace closure.' The disruptions affect flights scheduled for Friday, June 13 and Saturday, June 14.