റോം: മാഞ്ചസ്റ്റർ സിറ്റി താരമായിരുന്ന കെവിൻ ഡി ബ്രൂയിൻ ഇറ്റാലിയൻ ക്ലബായ നാപോളിയിൽ ചേർന്നു. രണ്ട് വർഷത്തെ കരാറിലാണ് താരം ഇറ്റാലിയൻ ക്ലബിൽ ചേർന്നത്. കഴിഞ്ഞ ദിവസം ഇക്കാര്യം ക്ലബ് ഔദ്യോഗികമായി താരം ക്ലബിൽ ചേർന്ന കാര്യം പ്രഖ്യാപിച്ചു. മാഞ്ചസ്റ്റർ സിറ്റിയിലെ പത്ത് വർഷത്തെ കരിയറിന് ശേഷമാണ് ഡിബ്രൂയിൻ ക്ലബ് വിട്ടത്. 

നാപോളിയിൽ ചേരുന്നതിന് മുമ്പ്, ഡി ബ്രൂയിനെ മേജർ ലീഗ് സോക്കറിലേക്ക് ചേക്കേറുമെന്ന് റിപ്പോർട്ടുകളുണ്ടായിരുന്നു. ഇന്റർ മിയാമിയും ചിക്കാഗോ ഫയറും താരത്തെ സ്വന്തമാക്കാൻ താൽപ്പര്യം പ്രകടിപ്പിച്ചതായി റിപ്പോർട്ടുണ്ടായിരുന്നെങ്കിലും ബൽജിയം താരം ഇറ്റാലിയൻ ക്ലബ് തിരഞ്ഞെടുക്കുകയായിരുന്നു. 2015ൽ വോൾവ്‌സ്ബർഗിൽനിന്നാണ് ഡി ബ്രൂയിൻ സിറ്റിയിലെത്തുന്നത്. പിന്നീട് ഇംഗ്ലീഷ് പ്രീമിയർ ലീഗ് കണ്ട ഏറ്റവും മികച്ച മിഡ്ഫീൽഡർമാരിൽ ഒരാളായി. സിറ്റിയിൽ 422 മത്സരം കളിച്ച് ആറ് പ്രീമിയർ ലീഗ് കിരീടങ്ങൾ, ചാംപ്യൻസ് ലീഗ്, രണ്ട് എഫ്എ കപ്പുകൾ, അഞ്ച് ഇഎഫ്എൽ കപ്പുകൾ എന്നിവയുൾപ്പെടെ 16 ട്രോഫികൾ നേടി. 108 ഗോളുകൾ നേടുകയും 170 അസിസ്റ്റുകളും നൽകുകയും ചെയ്തു. 2022-23 സീസണിൽ ട്രെബിൾ നേടിയ പെപ് ഗാർഡിയോളയുടെ ടീമിൽ താരത്തിന്റെ സംഭാവനകൾ നിർണായകമായിരുന്നു. '' നാപോളിക്കൊപ്പമുള്ള എന്റെ യാത്രക്ക് തുടക്കമായിട്ടുണ്ട്. ഫുട്‌ബോൾ ഇനിയും ഒരുപാട് കാലം മികച്ച സംഭാവനകൾ ചെയ്യാൻ കഴിയുമെന്നാണ് പ്രതീക്ഷ, കൂടുതൽ കിരീടങ്ങൾ ടീമിനൊപ്പം നേടുക എന്നതാണ് പ്രധാനം. ടീമിന് മികച്ച സംഭാവന നൽകാൻ കഠിനമായി പരിശ്രമിക്കും'' ഡിബ്രൂയിൽ വ്യക്തമാക്കി.

In a surprising twist, Napoli is reportedly set to sign Manchester City's midfield maestro Kevin De Bruyne. Will the Belgian superstar shine in Serie A next season? Stay updated on this blockbuster transfer saga! ⚽ #DeBruyneTransfer #Calcio #EPL