ദുബൈ: ഏപ്രിലില്‍ ദുബൈയിലെ ഒരു പെട്രോള്‍ പമ്പില്‍ രണ്ട് സംഘങ്ങള്‍ തമ്മിലുള്ള തര്‍ക്കത്തിനിടെ രണ്ട് ഉസ്‌ബെക്ക് പൗരന്മാര്‍ കൊല്ലപ്പെട്ട സംഭവത്തെക്കുറിച്ച് അന്വേഷണം നടത്തിവരികയാണെന്ന് ദുബൈ പബ്ലിക് പ്രോസിക്യൂഷന്‍ അറിയിച്ചു.

ALSO READ: യുഎഇ മധ്യാഹ്ന വിശ്രമ നിയമം ഇന്നു മുതല്‍ പ്രാബല്യത്തില്‍; വിശ്രമസമയത്ത് തൊഴില്‍ പാടില്ല, ലംഘിച്ചാല്‍ പിഴയടക്കം ശിക്ഷ; അറിയേണ്ടതെല്ലാം | UAE Mid-day Break

വാഹനത്തിന്റെ ടയറുകളില്‍ കാറ്റു നിറയ്ക്കാന്‍ ഉസ്‌ബെക് പൗരന്മാര്‍ എത്തിയപ്പോഴാണ് സംഘര്‍ഷം ഉണ്ടായതെന്നാണ് പൊലിസ് ഭാഷ്യം. ഇവര്‍ തമ്മില്‍ നേരത്തേ ചില തര്‍ക്കങ്ങളുണ്ടായിരുന്നു. ഈ മുന്‍വൈരാഗ്യമാണ് കൊലപാതകത്തില്‍ കലാശിച്ചത്. സമീപത്തുണ്ടായിരുന്ന ഒരു പൊലിസ് ഉദ്യോഗസ്ഥന്‍ സംഭവം കാണുകയും ഉടന്‍ തന്നെ അധികൃതരെ അറിയിക്കുകയുമായിരുന്നു. 

പ്രാഥമിക അന്വേഷണത്തില്‍ രണ്ട് സംഘങ്ങള്‍ വ്യത്യസ്ത വാഹനങ്ങളിലായാണ് പമ്പില്‍ എത്തിയതെന്ന് കണ്ടെത്തി. ഇരകളില്‍ ഒരാള്‍ ചുവന്ന മെഴ്‌സിഡസ് കാറില്‍ നിന്ന് ടയറുകള്‍ പരിശോധിക്കാന്‍ ഇറങ്ങിയപ്പോള്‍ ഒരു കൂട്ടം ആളുകള്‍ ഇയാളെ ആക്രമിക്കുകയായിരുന്നു. അതേസമയം, രണ്ടാമത്തെ ഇര ഓടി രക്ഷപ്പെടാന്‍ ശ്രമിച്ചെങ്കിലും താമസിയാതെ തന്നെ സംഘത്തെ ചിലര്‍ ഇയാളെയും പിടികൂടി.

ദുബൈ പൊലിസ് ഉടന്‍ തന്നെ സ്ഥലത്തെത്തി. ആക്രമണം നടത്തിയവര്‍ ഉപേക്ഷിച്ച വസ്തുക്കള്‍ ശേഖരിച്ചു. സിസിടിവി ദൃശ്യങ്ങളും സാക്ഷി മൊഴികളും സംഭവങ്ങളുടെ ക്രമം കൂട്ടിച്ചേര്‍ക്കുന്നതിനും കേസുമായി ബന്ധപ്പെട്ട വ്യക്തികളെ തിരിച്ചറിയുന്നതിനും അധികാരികളെ സഹായിച്ചു.

അന്വേഷണത്തിനൊടുവില്‍, മറ്റൊരു എമിറേറ്റിലെ ഒരു ഹോട്ടലില്‍ വെച്ച്, പ്രധാന പ്രതികള്‍ ഉള്‍പ്പെടെ 11 പേരെയും പൊലിസ് അറസ്റ്റ് ചെയ്തു. ചോദ്യം ചെയ്യലില്‍, മുന്‍വൈരാഗ്യമാണ് കൊലപാതകത്തിന് കാരണമായതെന്ന് അറസ്റ്റിലായവര്‍ സമ്മതിച്ചു.

വ്യക്തിവൈരാഗ്യത്തിന്റെ ഫലമായാണ് ഈ സംഭവം നടന്നതെന്നും പരസ്പരം അറിയാവുന്ന വ്യക്തികള്‍ ഇതില്‍ ഉള്‍പ്പെട്ടിട്ടുണ്ടെന്നും അധികൃതര്‍ സ്ഥിരീകരിച്ചു. കൂടുതല്‍ നിയമ നടപടികള്‍ക്കായി കേസ് പബ്ലിക് പ്രോസിക്യൂഷന് കൈമാറി.

ALSO READ: ഇസ്‌റാഈല്‍- ഇറാന്‍ സംഘര്‍ഷം: അടിയന്തര യാത്രാ മുന്നറിയിപ്പുമായി യുഎഇ  | Travel Advisory

ഇത്തരം അക്രമസംഭവങ്ങള്‍ അപൂര്‍വമാണെന്നും ലോകത്തിലെ ഏറ്റവും സുരക്ഷിതമായ നഗരങ്ങളില്‍ ഒന്നായി എമിറേറ്റ് തുടരുമെന്നും ദുബൈ പൊലിസ് പൊതുജനങ്ങള്‍ക്ക് ഉറപ്പ് നല്‍കി.

Dubai Public Prosecution has taken over the investigation into a shocking double murder at a local petrol pump, as authorities work to uncover the motive and suspects behind the crime.