ടെഹ്റാന്‍: ഇസ്‌റാഈലിനെ ഞെട്ടിച്ച് ഇറാന്റെ തിരിച്ചടി. എട്ടുമരണമാണ് ഇറാന്റെ തിരിച്ചടിയില്‍ ഇസ്‌റാഈലില്‍ റിപ്പോര്‍ട്ട് ചെയ്തിട്ടുള്ളത്. മരണ സംഖ്യ ഇനിയും ഉയര്‍ന്നേക്കുമെന്നാണ് റിപ്പോര്‍ട്ടുകള്‍ സൂചിപ്പിക്കുന്നത്. 35 പേരെ കാണാനില്ലെന്നും സൂചനയുണ്ട്. നിരവധി പേര്‍ തകര്‍ന്ന  കെട്ടിടത്തിനുള്ളില്‍ കുടുങ്ങിക്കിടക്കുന്നുണ്ട്. 200 പേര്‍ക്ക് പരുക്കേറ്റതായും റിപ്പോര്‍ട്ടുകള്‍ പറയുന്നു. 

കാണാതായവര്‍ക്കായുള്ള തെരച്ചില്‍ തുടരുകയാണെന്ന് ടൈംസ്ഓഫ് ഇസ്‌റാഈല്‍ റിപ്പോര്‍ട്ട് ചെയ്യുന്നു. ഹോം ഫ്രണ്ട് കമാന്‍ഡിന്റെ സൈനികരാണ് തെരച്ചില്‍ നടത്തുന്നത്. അതിനിടെ. ബൈത്ത് ഷീനിന് നേരെ വീണ്ടും ഡ്രോണ്‍ ആക്രമണമുണ്ടായെന്ന് സൂചനയുണ്ട്. 

ഇറാനില്‍ നിന്നുള്ള ഏറ്റവും പുതിയ ബാലിസ്റ്റിക് മിസൈലുകളുടെ ആക്രമണത്തില്‍ പരുക്കേറ്റ് 65 പേരെ പ്രവേശിപ്പിച്ചതായി ഹോളോണിലെ വോള്‍ഫ്സണ്‍ മെഡിക്കല്‍ സെന്റര്‍ അറിയിച്ചു. അഞ്ച് പേരുടെ നില ഗുരുതരമാണെന്നും ഏഴ് പേര്‍ ഗുരുതരമല്ലെങ്കിലും നല്ല പരുക്കേറ്റവരാണെന്നും റിപ്പോര്‍ട്ടില്‍ പറയുന്നു. ബാക്കിയുള്ളവരുടെ നില നിസ്സാരമാണ്. ബീര്‍ യാക്കോവിലെ ഷാമിര്‍ മെഡിക്കല്‍ സെന്റരില്‍ 28 പേരെ പ്രവേശിപ്പിച്ചിട്ടുണ്ട്. 37 പേര്‍ ചികിത്സയിലാണെന്ന് ടെല്‍ ഹാഷോമറിലെ ഷെബ മെഡിക്കല്‍ സെന്റര്‍ റിപ്പോര്‍ട്ട് ചെയ്യുന്നു. ഇറാന്റെ ആക്രമണത്തില്‍ ഇസ്‌റാലിലെ ഹൈഫയില്‍ വന്‍ നാശനഷ്ടമുണ്ടായതാണ് റിപ്പോര്‍ട്ടുകള്‍. 

Breaking | Fires erupt in Haifa following the impact of Iranian missiles. pic.twitter.com/3d6b1OT9kC

— Quds News Network (@QudsNen) June 14, 2025

അതിനിടെ, ഇറാഖിലെ യുഎസ് സൈനീക കേന്ദ്രത്തിന് നേരെ ഇറാന്‍ ഡ്രോണ്‍ ആക്രമണം നടത്തിയെന്ന് ആരോപിച്ച് യു.എസ് രംഗത്തെത്തി. എന്നാല്‍ ഡ്രോണുകള്‍ വെടിവെച്ചിട്ടെന്നും യു.എസ് അവകാശപ്പെടുന്നു. അമേരിക്കന്‍ താല്‍പ്പര്യങ്ങളെ ആക്രമിക്കുന്ന ഏതൊരാള്‍ക്കും തിരിച്ചടി നേരിടേണ്ടി വരുമെന്ന് ട്രംപ് മുന്നറിയിപ്പ് നല്‍കുന്നു. 

ALSO READ: ആക്രമണ, പ്രത്യാക്രമണങ്ങളുടെ മണിക്കൂറുകള്‍; ഇരുഭാഗത്തും കനത്ത നഷ്ടം, ബങ്കറുകളില്‍ ഒളിച്ചിരുന്നതിനാല്‍ ഇസ്‌റാഈലില്‍ ആളപായം കുറവ് | Israel - Aran Clash Updates

വെള്ളിയാഴ്ച പുലര്‍ച്ചെ പ്രകോപനമില്ലാതെ ഇറാന്റെ സേനികമേധാവികളെയും ആണവശാസ്ത്രജ്ഞന്‍മാരെയും ഇസ്റാഈല്‍ തെരഞ്ഞുപിടിച്ച് കൊലപ്പെടുത്തിയതിന് പ്രതികാരമായാണ് ഇറാന്‍ കനത്ത പ്രത്യാക്രമണത്തിന് തുടക്കമിട്ടത്. ബാലിസ്റ്റിക് മിസൈല്‍ ഉള്‍പ്പെടെ പ്രയോഗിച്ചാണ് ഇറാന്‍ നേരിട്ടത്. വെള്ളിയാഴ്ച അര്‍ധരാത്രിയും ശനിയാഴ്ച പുലര്‍ച്ചെയും രാത്രിയുമാമായി നിരവധി ആക്രമണങ്ങളാണ് ഇറാന്‍ നടത്തിയത്. ഇതോടൊപ്പം ഇസ്റാഈലും ഇറാന്റെ ജനവാസകേന്ദ്രങ്ങള്‍ ലക്ഷ്യംവച്ച് മിസൈല്‍ വര്‍ഷിച്ചതോടെ, ഇരുഭാഗത്തും കനത്ത നാശനഷ്ടമുണ്ടായി.

Iran retaliated against Israel with a powerful missile and drone strike, killing at least 8 people and injuring over 200. Multiple buildings were destroyed, and over 35 people are reported missing. Iran's response follows the targeted killing of its military leaders and nuclear scientists.