ടെഹ്റാൻ: ഇറാൻ പരമോന്നത നേതാവ് ആയത്തുള്ള അലി ഖാംനഈയുടെ മുതിർന്ന ഉപദേഷ്ടാവും മുൻ കൗൺസിൽ  സെക്രട്ടറി ജനറലുമായ അലി ഷംഖാനി ഇസ്റാഈലിന്റെ വ്യോമാക്രമണത്തിൽ പരുക്കേറ്റത്തിനെ തുടർന്ന് ചികിത്സയിലിരിക്കേ മരണപ്പെട്ടുവെന്ന്  ഇറാനിയൻ സംസ്ഥാന ടെലിവിഷൻ റിപ്പോർട്ട് ചെയ്തു.

'ഓപ്പറേഷൻ റൈസിങ് ലൈയൺ' എന്ന പേരിൽ ഇസ്റാഈൽ നടത്തിയ ആദ്യ ഘട്ട ആക്രമണത്തിൽ ഗുരുതരമായി പരുക്കേറ്റ് ചികിത്സയിൽ കഴിയവെയാണ് ഷംഖാനി മരണത്തിന് കീഴടങ്ങിയത്.

അന്താരാഷ്ട്ര രാഷ്ട്രീയത്തിൽ വലിയ സ്വാധീനമുണ്ടായിരുന്ന നേതാവായ ഷംഖാനി, ഇറാന്റെ വിദേശ നയങ്ങളിൽ നിർണായക പങ്ക് വഹിച്ചിരുന്ന വ്യക്തിയായിരുന്നു.അമേരിക്കയുമായുള്ള ആണവ ചർച്ചകൾക്ക് നേതൃത്വം നൽകിയത് ഷംഖാനിയായിരുന്നു.
 പൗരസൈനിക രംഗത്തും ഇസ്‌ലാമിക് റെവല്യൂഷണറി ഗാർഡിലും ശക്തമായ മുൻ പരിചയമുള്ള അദ്ദേഹം, ഇറാന്റെ സുരക്ഷാ തന്ത്രങ്ങളിൽ ശക്തമായ ഇടപെടലുകൾ നടത്തിയിരുന്നു.

ഷംഖാനിയുടെ മരണം പശ്ചിമേഷ്യൻ മേഖലയിൽ തുടരുന്ന സംഘർഷം കൂടുതൽ രൂക്ഷമാകുമെന്നതിനും ആഴത്തിലുള്ള പ്രതിഫലനം ഉണ്ടാക്കാനും സാധ്യതയുണ്ട്.എന്നാൽ ഈ വിഷയം ഇറാൻ ഔദ്യോധി​ഗമായി സ്ഥിരീകരിച്ചിട്ടില്ല.

Former Iranian National Security Council Secretary Ali Shamkhani has died from injuries sustained during an Israeli airstrike, according to Iranian state media. The attack occurred as part of Israel's Operation Rising Lion. Shamkhani was a senior adviser to Supreme Leader Ayatollah Ali Khamenei and a key figure in Iran's security and foreign policy.