ദുബൈ: മറീന പ്രദേശത്തെ കെട്ടിടത്തിലുണ്ടായ തീപിടുത്തത്തെ തുടര്‍ന്ന് നിര്‍ത്തിവച്ചിരുന്ന ദുബൈ ട്രാം സര്‍വീസ് പുനരാരംഭിച്ചു. 24 മണിക്കൂറിനു ശേഷമാണ് ട്രാം സര്‍വീസ് പുനരാരംഭിക്കുന്നത്.

ALSO READ: ഇസ്‌റാഈല്‍- ഇറാന്‍ സംഘര്‍ഷം: അടിയന്തര യാത്രാ മുന്നറിയിപ്പുമായി യുഎഇ  | Travel Advisory

ദുബൈ ട്രാം ഇപ്പോള്‍ സാധാരണപോലെ സര്‍വീസ് തുടരുമെന്ന് റോഡ്‌സ് ആന്‍ഡ് ട്രാന്‍സ്‌പോര്‍ട്ട് അതോറിറ്റി (ആര്‍ടിഎ) ഞായറാഴ്ച അറിയിച്ചു.

ദുബൈ മറീന സ്റ്റേഷനും (നമ്പര്‍ 5) പാം ജുമൈറ സ്റ്റേഷനും (നമ്പര്‍ 9) ഇടയിലുള്ള ട്രാം സര്‍വീസ് വെള്ളിയാഴ്ച രാത്രി വൈകി അടുത്തുള്ള ഒരു ബഹുനില കെട്ടിടത്തില്‍ ഉണ്ടായ തീപിടുത്തത്തെ തുടര്‍ന്ന് തടസ്സപ്പെട്ടിരുന്നു.

യാത്രക്കാരുടെ സുരക്ഷ ഉറപ്പാക്കുന്നതിനും തീപിടുത്തത്തിനു ശേഷമുള്ള പ്രവര്‍ത്തനങ്ങള്‍ സുഗമമാക്കുന്നതിനുമുള്ള മുന്‍കരുതലായിട്ടാണ് സര്‍വീസ് നിര്‍ത്തിവച്ചിരുന്നതെന്ന് അതോറിറ്റി അറിയിച്ചു. ദുരിതബാധിതരായ യാത്രക്കാരെ സഹായിക്കുന്നതിനായി, തടസ്സപ്പെട്ട സ്റ്റേഷനുകള്‍ക്കിടയില്‍ ആര്‍ടിഎ ബദല്‍ ബസ് സര്‍വീസുകള്‍ ഒരുക്കിയിരുന്നു.

ALSO READ: യുഎഇ മധ്യാഹ്ന വിശ്രമ നിയമം ഇന്നു മുതല്‍ പ്രാബല്യത്തില്‍; വിശ്രമസമയത്ത് തൊഴില്‍ പാടില്ല, ലംഘിച്ചാല്‍ പിഴയടക്കം ശിക്ഷ; അറിയേണ്ടതെല്ലാം | UAE Mid-day Break

സോഷ്യല്‍ മീഡിയയില്‍ പങ്കുവച്ച വീഡിയോകളില്‍ ബഹുനില കെട്ടിടത്തിന്റെ തീപിടുത്തത്തില്‍ നിന്നുള്ള അവശിഷ്ടങ്ങള്‍ ചുറ്റുമുള്ള പ്രദേശങ്ങളിലേക്ക് വീഴുന്നത് കാണാമായിരുന്നു. വെള്ളിയാഴ്ച നിരവധി ഫയര്‍ ട്രക്കുകളും ആംബുലന്‍സുകളും സ്ഥലത്ത് വിന്യസിക്കപ്പെട്ടിരുന്നു. രാത്രി മുഴുവന്‍ പ്രവര്‍ത്തിച്ചാണ് അഗ്നിശമന സേനാംഗങ്ങള്‍ 67 നില കെട്ടിലത്തിലെ തീ അണച്ചത്.

Dubai Tram operations have resumed following a temporary suspension caused by a fire in a residential building in the Marina area. Authorities confirmed safety checks before restarting services.

കെട്ടിടത്തില്‍ നിന്ന് 3,820 താമസക്കാരെയും പരുക്കുകളില്ലാതെ സുരക്ഷിതമായി ഒഴിപ്പിക്കാന്‍ ദുബൈ സിവില്‍ ഡിഫന്‍സ് ടീമുകള്‍ ആറ് മണിക്കൂര്‍ അക്ഷീണം പ്രയത്‌നിക്കേണ്ടി വന്നു.