കിളിമാനൂര്‍ : സംസ്ഥാന പാതയില്‍ കിളിമാനൂരിനു സമീപം പൊരുന്തമണില്‍ കാറും കെ .എസ് .ആര്‍. ടി .സി ബസും കൂട്ടിയിടിച്ച് കാര്‍ യാത്രികനായ തിരുവനന്തപുരം വിമാനത്താവളത്തിലെ സെന്‍ട്രല്‍ എക്‌സൈസ് ഉദ്യോഗസ്ഥന്‍ മരിച്ചു.
തിരുവനന്തപുരം പൂജപ്പുര മുടവന്‍മുകള്‍ സ്വദേശി പീതാംബരന്‍ നായരാ (56) ണ് മരിച്ചത്. ഇന്നലെ വൈകുന്നേരം അഞ്ചുമണിയോടെയായിരുന്നു അപകടം .നെടുമങ്ങാട് നിന്നും ആയൂരിലേക്ക് പോവുകയായിരുന്ന കെ .എസ് .ആര്‍. ടി. സി വേണാട് ബസും തിരുവനന്തപുരത്തേക്ക് പോവുകയായിരുന്ന കാറും കൂട്ടിയിടിക്കുകയായിരുന്നു .കാറില്‍ പീതാംബരന്‍ നായര്‍ മാത്രമെ ഉണ്ടായിരുന്നുള്ളു .കാര്‍ പൂര്‍ണമായി തകര്‍ന്നു . പരുക്കേറ്റ ഇദ്ദേഹത്തെ വെഞ്ഞാറമൂട്ടിലെ സ്വകാര്യ മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചെങ്കിലും രാത്രിയോടെ മരിച്ചു.കിളിമാനൂര്‍ പൊലിസ് മേല്‍ നടപടി സ്വീകരിച്ചു .