ദുബൈ: വേനലവധിക്കാലത്തിന്റെ തയാറെടുപ്പിലാണ് യു.എ.ഇയിലെ പ്രവാസി കുടുംബങ്ങൾ. നാട്ടിൽ അവധി ആഘോഷമാക്കാനും പുതിയ യാത്രാനുഭവങ്ങൾ സ്വന്തമാക്കാനുമുള്ള ഒരുക്കത്തിലാണ് ഏവരും. അവധിക്കാലം ബജറ്റിനിണങ്ങുന്ന രീതിയിൽ ആഘോഷമാക്കാൻ ഏറ്റവും മികച്ച ഓഫറുകളുമായി 'സമ്മർ വിത് ലുലു' കാംപയിൻ യു.എ.ഇയിൽ ആരംഭിച്ചു. ദുബൈ സിലികൺ സെൻട്രൽ മാളിലെ ലുലു ഹൈപർ മാർക്കറ്റിൽ കാംപയിനിന് ഔപചാരിക തുടക്കമായി.

ഗ്രോസറി, നട്സ്, ഡ്രൈ ഫ്രൂട്സ്, ചോക്ലേറ്റ്, ട്രാവൽ ആക്സസറീസ്, ഫാഷൻ ഉത്പന്നങ്ങൾ, ഡിജിറ്റൽ ഇലക്ട്രോണിക്സ് ഉപകരണങ്ങൾ, സൺ ഗ്ലാസ് തുടങ്ങി നിരവധി ഉത്പന്നങ്ങൾക്ക് ഏറ്റവും മികച്ച ഓഫറുകളാണ് യു.എ.ഇയിലെ എല്ലാ ലുലു സ്റ്റോറുകളിലും ഒരുക്കിയിട്ടുള്ളത്. കുട്ടികൾക്കായി സൗജന്യ സമ്മർ കാംപയിൻ ഉൾപ്പെടെ സജ്ജീകരിച്ചിട്ടുണ്ട്. 
ജന്മനാട്ടിലേക്ക് യാത്രക്കൊരുങ്ങുന്ന പ്രവാസി കുടുംബങ്ങളുടെ ഷോപ്പിംഗ് ബജറ്റ് ഫ്രണ്ട്ലിയാക്കാൻ ഹോളിഡേ സേവേഴ്സ്, ബാഗുകൾ-ലഗേജ്-ട്രാവൽ ആക്സസറീസ് എന്നിവയ്ക്ക് മികച്ച ഓഫറുകളുമായി ട്രാവൽ ഫെസ്റ്റ്, കോസ്മെറ്റിക്സ്-സ്കിൻ കെയർ- ബ്യൂട്ടി ഉത്പന്നങ്ങൾക്കായി സീസൺ ടു ഗ്ലോ, വേനൽക്കാലത്തിന് അനുയോജ്യമായ ഫാഷൻ ശേഖരവുമായി ട്രാവൽ ഇൻ സ്റ്റൈൽ, സൺ ഗ്ലാസുകൾക്ക് മികച്ച ഓഫറുകളുമായി ഹലോ സമ്മർ തുടങ്ങി ആകർഷക പ്രൊമോഷനുകളാണ് ലുലു സ്റ്റോറുകളിൽ നടക്കുന്നത്.

വൈവിധ്യമാർന്ന ജ്യൂസുകളുടെയും പാനീയങ്ങളുടെയും രുചിഭേദങ്ങളുമായി 'സിപ് സമ്മർ', 'മെലൺ ഫെസ്റ്റ്', ചോക്ലേറ്റുകളുടെ വ്യത്യസ്ത ശേഖരവുമായി ഹാപിനസ് ഇൻ എവരി ബൈറ്റ് പ്രൊമോഷനും ഏവരുടെയും മനം കവരുന്നതാണെന്ന് കാംപയിന് തുടക്കം കുറിച്ച് കൊണ്ട് ലുലു ഗ്ലോബൽ ഓപറേഷൻസ് ഡയരക്ടർ സലിം എം.എ പറഞ്ഞു.

 

 

ഓർഗാനിക്-ഹെൽതി ഭക്ഷ്യോത്പന്നങ്ങളുടെ വിപുല ശ്രേണിയുമായി 'ഹെൽതി ഈറ്റ്സ്' പ്രൊമോഷനും കാംപയിൻ ഭാഗമായുണ്ട്.
എ.സി, റഫ്രിജറേറ്റർ, കൂളർ തുടങ്ങിയവയ്ക്ക് ഏറ്റവും മികച്ച ഡീലുകളാണ് ഒരുക്കിയിരിക്കുന്നത്. ഇലക്ട്രോണിക്സ്, മൊബൈൽ ആക്സസറീസ് തുടങ്ങിയവയ്ക്കും നല്ല ഓഫറുകളാണുള്ളത്.

കുട്ടികൾക്കായി ഇ-ഗെയിമിംഗ് ചാമ്പ്യൻഷിപ്പുകളും ഫ്രീ സമ്മർ കാംപയിനുമാണുള്ളത്. ലുലുവിന്റെ വാല്യൂ ഷോപ്പിംഗ് സ്റ്റോറായ 'ലോട്ടി'ലും മികച്ച ഓഫറുകളാണ് ഉറപ്പാക്കിയിരിക്കുന്നത്. 19 ദിർഹമിൽ താഴെ വിലയിലാണ് ലോട്ടിൽ നിരവധി ഉത്പന്നങ്ങൾ ലഭ്യമാക്കിയിരിക്കുന്നത്.

ഉപയോക്താക്കൾക്കായി സർപ്രൈസ് സമ്മാനങ്ങളും കാംപയിൻ ഭാഗമായി ഒരുക്കിയിട്ടുണ്ട്. 100 ദിർഹമിൽ കൂടുതൽ ഷോപ് ചെയ്യുന്ന ഹാപിനസ് അംഗങ്ങൾക്കായി 20 ലക്ഷം ദിർഹം വരെയുള്ള ഡയമണ്ട് ഗിഫ്റ്റുകളും വൗച്ചറുകളും കാത്തിരിക്കുന്നു. പ്രമുഖ ജൂവലറി ബ്രാൻഡായ തനിഷ്കുമായി സഹകരിച്ചാണ് ഈ സമ്മാനങ്ങൾ ഉപയോക്താക്കളിലേക്ക് എത്തിക്കുന്നത്. ജൂലൈ 31 വരെയാണ് 'സമ്മർ വിത് ലുലു കാംപയിൻ'.