ദുബൈ: യുഎഇയിലെ സ്വകാര്യ മേഖലാ ജീവനക്കാര്‍ക്ക് 1447ാം ഹിജ്‌റ പുതുവര്‍ഷാരംഭത്തോടനുബന്ധിച്ച് 2025 ജൂണ്‍ 27 വെള്ളിയാഴ്ച ശമ്പളത്തോടെയുള്ള അവധി ലഭിക്കും.

ALSO READ: https://www.suprabhaatham.com/details/428601?link=Islamic-New-Year-Holiday-in-UAE-June-27

ശനി, ഞായര്‍ ദിവസങ്ങള്‍ വാരാന്ത്യമായി ലഭിക്കുന്ന ജീവനക്കാര്‍ക്ക് ജൂണ്‍ 27 മുതല്‍ 29 വരെ മൂന്ന് ദിവസത്തെ നീണ്ട വാരാന്ത്യം ആസ്വദിക്കാം. ജൂണ്‍ 30 തിങ്കളാഴ്ച മുതല്‍ സാധാരണ പ്രവൃത്തി സമയം പുനരാരംഭിക്കും.

പൊതുമേഖലാ ജീവനക്കാര്‍ക്കും ഇതേ അവധി ലഭിക്കും. യുഎഇയിലെ ഏകീകൃത അവധിക്കാല നയം പൊതുസ്വകാര്യ മേഖലകളിലെ എല്ലാ ജീവനക്കാര്‍ക്കും വര്‍ഷം മുഴുവന്‍ തുല്യ ഇടവേളകള്‍ ഉറപ്പാക്കുന്നു.

ഈദുല്‍ അദ്ഹ അവധിക്ക് ശേഷം ജൂണ്‍ മാസത്തില്‍ ലഭിച്ച നീണ്ട ഇടവേളയ്ക്ക് പിന്നാലെയാണ് ഹിജ്‌റ പുതുവര്‍ഷാരംഭത്തോടനുബന്ധിച്ച് അവധി പ്രഖ്യാപിച്ചിരിക്കുന്നത്. മാനവ വിഭവശേഷി, സ്വദേശിവല്‍ക്കരണ മന്ത്രാലയമാണ് സ്വകാര്യ മേഖലയിലെ ജീവനക്കാര്‍ക്ക് അവധി പ്രഖ്യാപിച്ചത്.

ALSO READ: ഇസ്റാഈൽ-ഇറാൻ വ്യോമാതിർത്തി അടച്ച സാഹചര്യം; നിരവധി സർവിസുകൾ റദ്ദാക്കി പ്രമുഖ വിമാനക്കമ്പനികൾ

ഹിജ്‌റ കലണ്ടര്‍ ചാന്ദ്രമാസങ്ങളെ അടിസ്ഥാനമാക്കിയുള്ളതാണ്. പുതുവര്‍ഷം മുഹറം മാസത്തിന്റെ ഒന്നാം ദിവസം ആരംഭിക്കുന്നു. 2025ലെ ഔദ്യോഗിക അവധി ദിനങ്ങളുടെ യുഎഇ കാബിനറ്റ് അംഗീകരിച്ച പട്ടിക പ്രകാരമാണ് അവധി പ്രഖ്യാപിച്ചിരിക്കുന്നത്.

The UAE has announced a paid holiday for private sector workers to mark the beginning of the Hijri New Year, offering a day of celebration and reflection across the country.