മഹാരാഷ്ട്രയിലെ ഛത്രപതി സംഭാജി നഗറിൽ നിന്നുള്ള ഒരു ഹൃദയസ്പർശിയായ സംഭവം സോഷ്യൽ മീഡിയയിൽ വൈറലായി. 93 വയസ്സുള്ള  നിവൃത്തി ഷിൻഡെ എന്നയാൾ തന്റെ ഭാര്യ ശാന്തബായിക്ക് വേണ്ടി താലിമാല വാങ്ങാനെത്തി, പക്ഷേ കടയുടമയുടെ ഔദാര്യവും ദമ്പതികളുടെ അഗാധമായ സ്നേഹവും കാരണം വീഡിയോ കാണുന്ന എല്ലാവരുടെയും ഹൃദയം കവർന്നു. രണ്ട് കോടിയിലധികം ആളുകളാണ് സോഷ്യൽ മീഡിയയിൽ വീഡിയോ കണ്ടത്. ദമ്പതികളുടെ കഥ കാലാതീതമായ പ്രണയത്തിന്റെയും വിനയത്തിന്റെയും പ്രതീകമായി മാറുകയും ചെയ്തു.

ജൽന ജില്ലയിലെ അംഭോർ ജഹാഗിർ എന്ന കാർഷിക ഗ്രാമത്തിൽ നിന്നുള്ളയാളാണ് നിവൃത്തി ഷിൻഡെ. തന്റെ ഭാര്യ ശാന്തബായിയെയും കൂട്ടി വരാനിരിക്കുന്ന ആഷാഡി ഏകാദശി ഉത്സവത്തിനായി പണ്ഡർപൂരിലേക്കുള്ള തീർത്ഥാടനത്തിനിടെ ഒരു ജ്വല്ലറിയിൽ എത്തി. എന്നാൽ ആദ്യം, ദാനധർമ്മം തേടിയെത്തിയവരാണെന്ന് തെറ്റിദ്ധരിച്ച കടയിലെ ജീവനക്കാർ, വൃദ്ധന്റെ യഥാർത്ഥ ഉദ്ദേശ്യം മനസ്സിലാക്കിയപ്പോൾ വികാരാധീനരായി. തന്റെ ഭാര്യക്ക് വിവാഹത്തിന്റെ പ്രതീകമായ താലിമാല വാങ്ങാനുള്ള ആഗ്രഹം ഇയാൾ പങ്കുവെച്ചു. എന്നാൽ കടയുടമ, ആഭരണം ദമ്പതികൾക്ക് നൽകാനും, വെറും 20 രൂപ മാത്രം സ്വീകരിക്കാനും തീരുമാനിച്ചു.

ആ മനുഷ്യൻ 1,120 രൂപ എനിക്ക് നൽകി, ഭാര്യക്ക് ഒരു താലിമാല വാങ്ങണമെന്ന് പറഞ്ഞു. അദ്ദേഹത്തിന്റെ ആഗ്രഹം കണ്ട് ഞാൻ അത്ഭുതപ്പെട്ടു. അനുഗ്രഹത്തിന്റെ അടയാളമായി ഞാൻ 20 രൂപ മാത്രം സ്വീകരിച്ച് താലിമാല അവർക്ക് നൽകി," കടയുടമ പറഞ്ഞു.

 

 

ഈ ഹൃദയസ്പർശിയായ നിമിഷത്തിന്റെ വീഡിയോ സോഷ്യൽ മീഡിയയിൽ വൻതോതിൽ പ്രചരിച്ചു. രണ്ട് കോടിയിലധികം ആളുകൾ ഇത് കണ്ടു, ദമ്പതികളുടെ നിലനിൽക്കുന്ന പ്രണയത്തെ പ്രശംസിച്ചു. "യഥാർത്ഥ പ്രണയം ഇങ്ങനെയാണെന്നും "വജ്രങ്ങളോ ആഡംബര സമ്മാനങ്ങളോ ഇല്ല, ജീവിതകാലം മുഴുവൻ പ്രതിബദ്ധതയോടെ കാത്തിരിക്കുകയെന്നും നീളുന്നൂ കമന്റുകൾ

ഇത് എന്നെ സത്യത്തിലും കരയിപ്പിച്ചു കളഞ്ഞു. പെട്ടെന്നുള്ള ഭാര്യ-ഭർതൃ വേർപിരിയലുകളുടെ ഈ കാലത്ത് ഇതാണ് യഥാർത്ഥ ബന്ധ ലക്ഷ്യങ്ങൾ, എന്ന് മറ്റൊരാളും പങ്കുവെച്ചു. കടയുടമയുടെ ഔദാര്യത്തെ "മനോഹരമായ ദയയുടെ പ്രവൃത്തി" എന്ന് വിശേഷിപ്പിച്ച്, ഇന്നത്തെ ലോകത്ത് മനുഷ്യത്വം ഇപ്പോഴും ജീവിക്കുന്നുവെന്ന് പലരും ഓർമ്മപ്പെടുത്തി.

 

 

ഗ്രാമവാസികളുടെ അഭിപ്രായത്തിൽ, ഈ ദമ്പതികൾ യാത്രകളിൽ സ്വയം ആശ്രയിക്കുകയും പൊതുജനങ്ങളുടെ ദയയെ ആശ്രയിക്കുകയും ചെയ്യുന്നു. ഒരു മകനുണ്ടെങ്കിലും, അവർ തങ്ങളുടെ യാത്രകളിൽ ഒരുമിച്ച് തുടരുന്നു, ലാളിത്യവും പരസ്പര സ്നേഹവും കാത്തുസൂക്ഷിക്കുന്നു. ഈ കഥ ഇപ്പോൾ ലോകമെമ്പാടുമുള്ള ആളുകൾക്ക് പ്രചോദനമായി മാറിയിരിക്കുന്നു