കേന്ദ്ര നിയമനങ്ങൾക്കായി സ്റ്റാഫ് സെലക്ഷൻ കമ്മിഷൻ നടത്തുന്ന പരീക്ഷകളിൽ 'മിനി സിവിൽ സർവിസ്' എന്നു വിശേഷിപ്പിക്കപ്പെടുന്നതാണു കംബൈൻഡ് ഗ്രാജ്വേറ്റ് ലെവൽ (CGL). ബിരുദം അടിസ്ഥാന യോഗ്യതയായ ഈ മത്സരപ്പരീക്ഷയിൽ ഉയർന്ന മാർക്ക് നേടുന്നവരെ കേന്ദ്ര സർവിസിലെ സുപ്രധാന വകുപ്പുകളിൽ നിയമിക്കും. ഇന്ത്യൻ ഓഡിറ്റ് ആൻഡ് അക്കൗണ്ട്‌സ് ഡിപ്പാർട്ട്‌മെന്റ്, സെൻട്രൽ സെക്രട്ടേറിയറ്റ്, റെയിൽവേ, വിദേശകാര്യ മന്ത്രാലയം, ഇന്റലിജൻസ് ബ്യൂറോ, കേന്ദ്ര പ്രത്യക്ഷ നികുതി ബോർഡ്, കേന്ദ്ര പരോക്ഷ നികുതി ബോർഡ് തുടങ്ങി വിവിധ വിഭാഗങ്ങളിലെ ഗ്രൂപ്പ് ബി, ഗ്രൂപ്പ് സി തസ്തികകളിലാണു നിയമനം. പരീക്ഷയ്ക്ക് ജൂലൈ 4 വരെ ഓൺലൈനായി അപേക്ഷിക്കാം: ബിരുദധാരികൾക്കാണ് അവസരം.

വെബ്‌സൈറ്റ്: ssc.gov.in. 

കേന്ദ്ര സർക്കാരിനു കീഴിലെ വിവിധ മന്ത്രാല യങ്ങളിലും വകുപ്പുകളിലും ഓഫിസുകളിലുമാണു നിയമനം. 14,582 ഒഴിവ് പ്രതീക്ഷിക്കുന്നു. ഒഴിവുകളുടെ എണ്ണത്തിൽ മാറ്റം വരാം. ഒന്നാംഘട്ട പരീക്ഷ (ടയർ1) ഓഗസ്റ്റിലും രണ്ടാംഘട്ടം (ടയർ 2) ഡിസംബറിലും നടത്തും.

യോഗ്യത: 
ജൂനിയർ സ്റ്റാറ്റിസ്റ്റിക്കൽ ഓഫിസർ: സ്റ്റാറ്റിസ്റ്റിക്‌സ് പ്രധാന വിഷയങ്ങളിലൊന്നായി പഠിച്ച ഏതെങ്കിലും ബിരുദം. അല്ലെങ്കിൽ പ്ലസ് ടു തലത്തിൽ മാത്തമാറ്റിക്സ് 60% മാർക്കോടെ  നേടിയശേഷം ഏതെങ്കിലും വിഷയത്തിൽ ബിരുദം. 

ALSO READ: റിസപ്ഷനിസ്റ്റ്, സെയിൽസ്, സിവിൽ എ‍ഞ്ചിനീയർ, ഇലക്ട്രിക്കൽ എ‍ഞ്ചിനീയർ തുടങ്ങി നിരവധി ഒഴിവുകൾ; latest Gulf Jobs- June 19 

* സ്റ്റാറ്റിസ്റ്റിക്കൽ ഇൻവെസ്റ്റിഗേറ്റർ ഗ്രേഡ് 2: സ്റ്റാറ്റിസ്റ്റിക്‌സ് ഒരു വിഷയമായി പഠിച്ച ഏതെങ്കിലും ബിരുദം, ബിരുദപഠനത്തിന്റെ മൂന്നു വർഷവും സ്റ്റാറ്റിസ്റ്റിക്സ് ഒരു വിഷയമായി പഠിച്ചിരിക്കണം. മറ്റു തസ്തികകളിൽ ഏതെങ്കിലും അംഗീക ത സർവകലാശാലാ ബിരുദം/തത്തുല്യം.
അപേക്ഷാ ഫീസ്: 100 രൂപ. ഓൺലൈനായി ഫീസ് അടയ്ക്കണം. നെറ്റ് ബാങ്കിങ്, ക്രെഡിറ്റ്, ഡെബിറ്റ് കാർഡ് ഉപയോഗിച്ചും ഫീസടയ്ക്കാം. വനിതകൾക്കും പട്ടികവിഭാഗക്കാർക്കും ഭിന്നശേഷിക്കാർക്കും വിമുക്തഭടൻമാർക്കും ഫീസില്ല.

ടയർ1 പരീക്ഷയിൽ ഇംഗ്ലിഷ് 
കോംപ്രിഹെൻഷൻ. ജനറൽ അവയർനെസ്, ക്വാണ്ടിറ്റേറ്റീവ് ആപ്റ്റിറ്റിയൂഡ്, ജനറൽ ഇന്റലിജൻസ് ആൻഡ് റീസണിങ് എന്നീ വിഭാഗങ്ങളിൽനിന്ന് 25 വീതം ചോദ്യങ്ങളുണ്ടാകും. (ആകെ 200 മാർക്ക്). ഒബ്ജെക്ടീവ് മാതൃകയിലാണു പരീക്ഷ. നെഗറ്റീവ് മാർക്കുണ്ട്. (ഓരോ തെറ്റായ ഉത്തരത്തിനും 0.50 മാർക്ക്). ഒരു മണിക്കൂറാണു പരീക്ഷാദൈർഘ്യം. അംഗപരിമിതർക്ക് 80 മിനുട്ട് വരെ സമയമനുവദിക്കും.

ഒന്നാംഘട്ട പരീക്ഷയിൽനിന്നു ഷോർട് 
ലിസ്റ്റ് ചെയ്യപ്പെടുന്നവർക്കു ടയർ2 പരീക്ഷ നടത്തും. ടയർ2 പരീക്ഷയിലെ മാർക്കിന്റെ മാത്രം അടിസ്ഥാനത്തിലാണു മെറിറ്റ് ലിസ്റ്റ് തയാറാക്കുന്നത്.
പേപ്പർ 1, പേപ്പർ 2 എന്നിങ്ങനെ രണ്ടു ഭാഗ ങ്ങളായാണു ടയർ2 പരീക്ഷ. പേപ്പർ 1 എല്ലാ തസ്തികകളിലെയും അപേക്ഷകർക്കു ബാധകമാണ്. പേപ്പർ2 സ്റ്റാറ്റിസ്റ്റിക്സ് ആൻഡ് പ്രോഗ്രാം ഇംപ്ലിമെൻറേഷൻ മന്ത്രാലയത്തിലെ ജൂനിയർ സ്റ്റാറ്റിസ്റ്റിക്കൽ ഓഫിസർ (ജെ.എസ്.ഒ) തസ്തികകളിലേക്ക് അപേക്ഷിക്കുന്നവർക്കാണ്.

കേരള, കർണാടക റീജനിലെ (KKR) പരിക്ഷാകേന്ദ്രങ്ങളും കോഡുകളും: 

എറണാകുളം (9213), കൊല്ലം (9210), കോട്ടയം (9205), കോഴിക്കോട് (9206), തൃശൂർ (9212), തിരുവനന്തപുരം (9211).

കൂടുതല്‍ തൊഴില്‍ വാര്‍ത്തകള്‍ക്ക് ഗ്രൂപ്പില്‍ ജോയിന്‍ ചെയ്യുക