ഇംഗ്ലണ്ട്: നാളെ ആരംഭിക്കുന്ന ഇംഗ്ലണ്ടിനെതിരെയുള്ള അഞ്ച് ടെസ്റ്റ് മത്സരങ്ങളുടെ പരമ്പരയിലെ ആദ്യ മത്സരത്തിനു മുന്നോടിയായി ഇന്ത്യയ്ക്ക് കനത്ത തിരിച്ചടി. ടീമിലെ മലയാളി താരം കരുൺ നായർ പരുക്ക്. പരിശീലനത്തിനിടയാണ് കരുൺ നായർക്ക് പരുക്ക് പറ്റിയത്. പ്രസിദ് കൃഷ്ണയുടെ പന്തിൽ കരുണിന്റെ വാരി എല്ലിനാണ് പരിക്ക് സംഭവിച്ചത്. ആദ്യ മത്സരത്തിന് ഒരു ദിവസം മാത്രം ബാക്കിയുള്ളപ്പോൾ താരത്തിന് നേരിട്ട ഈ പരുക്ക് ഇന്ത്യക്ക് കടുത്ത നിരാശയാണ് സമ്മാനിക്കുന്നത്.

നീണ്ട എട്ട് വർഷങ്ങൾക്ക് ശേഷം മലയാളി താരം കരുൺ നായർ ഇന്ത്യൻ ടീമിലേക്ക് തിരിച്ചെത്തിയത്. 2017ൽ ഓസ്‌ട്രേലിയയ്‌ക്കെതിരെയാണ് കരുൺ നായർ അവസാനമായി ഇന്ത്യക്ക്  വേണ്ടി കളിച്ചത്. ഇന്ത്യക്കായി ടെസ്റ്റ് ക്രിക്കറ്റിൽ ട്രിപ്പിൾ സെഞ്ച്വറി നേടിയ താരം കൂടിയാണ് കരുൺ നായർ. 2016ൽ ഇംഗ്ലണ്ടിനെതിരെയായിരുന്നു താരം ട്രിപ്പിൾ സെഞ്ച്വറി നേടിയത്. ടെസ്റ്റ് ക്രിക്കറ്റിൽ വീരേന്ദർ സെവാഗിന് ശേഷം ട്രിപ്പിൾ സെഞ്ച്വറി നേടുന്ന രണ്ടാമത്തെ ഇന്ത്യൻ താരം കൂടിയാണ് കരുൺ. 

സമീപകാലങ്ങളിൽ ആഭ്യന്തര ക്രിക്കറ്റിൽ നടത്തിയ മികച്ച പ്രകടനങ്ങൾക്ക് പിന്നാലെയാണ് കരുൺ വീണ്ടും ഇന്ത്യൻ ടീമിൽ ഇടം നേടിരിക്കുന്നത്. 2025ലെ രഞ്ജി ട്രോഫിയിലെ വിദർഭയുടെ കിരീട നേട്ടത്തിൽ നിർണായകമായ പങ്കുവഹിച്ച താരമാണ് കരുൺ. 16 ഇന്നിങ്സിൽ നിന്നും 53.9 എന്ന മികച്ച ആവറേജിൽ 863 റൺസാണ് കരുൺ അടിച്ചെടുത്തത്.

ഈ വർഷം രഞ്ജി ട്രോഫിയിൽ മാത്രം ഒതുങ്ങുന്നതല്ല കരുണിന്റെ പോരാട്ടവീര്യങ്ങൾ. വിജയ് ഹസാരെ ട്രോഫിയിലും സയ്യിദ് മുഷ്താഖ് അലി ട്രോഫിയിലും തകർപ്പൻ പ്രകടനമാണ്‌ കരുൺ നടത്തിയത്. വിജയ് ഹസാരെ ട്രോഫിയിൽ എട്ട് ഇന്നിങ്സിൽ നിന്നും 779 റൺസാണ് താരം അടിച്ചെടുത്തത്. സയ്യിദ് മുഷ്താഖ് അലി ട്രോഫിയിൽ 255 റൺസും കരുൺ നേടി. ഒമ്പത് സെഞ്ച്വറികളാണ് താരം 2024-25 ആഭ്യന്തര ക്രിക്കറ്റിൽ നേടിയത്. 

ഈ പരമ്പരക്ക് മുന്നോടിയായുള്ള ഇംഗ്ലണ്ട് ലയൺസിനെതിരെയുള്ള മത്സരത്തിൽ ഇന്ത്യ എ ടീമിന് വേണ്ടി ഡബിൾ സെഞ്ച്വറി നേടി കരുൺ നായർ തിളങ്ങിയിരുന്നു. മത്സരത്തിൽ 281 പന്തിൽ 26 ഫോറുകളും ഒരു സിക്സും ഉൾപ്പെടെ 204 റൺസാണ് കരുൺ അടിച്ചെടുത്തത്.

Indian player Karun Nair has been injured ahead of the first match of the five-match Test series against England