ദുബൈ: 2025-ലെ ഹജ്ജ് സീസണിന് ശേഷം തീർത്ഥാടകരുടെ സംതൃപ്തി വിലയിരുത്തുന്നതിനായി ഒരു ബഹുഭാഷാ ഓൺലൈൻ സർവേ ആരംഭിച്ചിരിക്കുകയാണ് സഊദി ഹജ്ജ്-ഉംറ മന്ത്രാലയം. 

ആഭ്യന്തര, അന്തർദേശീയ തീർത്ഥാടകർക്ക് ലഭ്യമായ ഈ സർവേ, തങ്ങളുടെ അനുഭവങ്ങളും അഭിപ്രായങ്ങളും പങ്കുവെക്കാൻ തീർത്ഥാടകരെ ക്ഷണിക്കുന്നു.

അറബിക്, ഇംഗ്ലീഷ്, സ്പാനിഷ്, പേർഷ്യൻ, ഫ്രഞ്ച്, ഹിന്ദി, മലായ്, തുർക്കി, ചൈനീസ് എന്നിങ്ങനെ ഒൻപത് ഭാഷകളിൽ ലഭ്യമായ ഈ സംരംഭം, തീർത്ഥാടകരുടെ പ്രതീക്ഷകൾക്ക് അനുസൃതമായി സേവനങ്ങൾ മെച്ചപ്പെടുത്തുന്നതിനും സഊദി അറേബ്യയുടെ വിഷൻ 2030 ലക്ഷ്യങ്ങളെ പിന്തുണയ്ക്കുന്നതിനുമുള്ള മന്ത്രാലയത്തിന്റെ ശ്രമങ്ങളുടെ ഭാഗമാണ്.

വ്യക്തിഗത വീക്ഷണകോണിൽ നിന്ന് ഹജ്ജ് യാത്രയെ വിലയിരുത്തുന്നതിനാണ് ഈ സർവേ രൂപകൽപ്പന ചെയ്തിരിക്കുന്നത്, ഇത് സേവനങ്ങൾ മെച്ചപ്പെടുത്തുന്നതിനുള്ള മന്ത്രാലയത്തിന്റെ പ്രതിബദ്ധതയാണ് എടുത്തുകാണിക്കുന്നത്. 

തീർത്ഥാടകർ ഈ സർവേ പ്രയോജനപ്പെടുത്തണം. ഗുണനിലവാരവും പ്രവർത്തനക്ഷമതയും മെച്ചപ്പെടുത്തുന്നതിന് ഈ അഭിപ്രായങ്ങൾ ഉപയോഗിക്കും മന്ത്രാലയം വ്യക്തമാക്കി. 

തീർത്ഥാടകർക്ക് https://hajsurvey.com/departure_survey എന്ന ലിങ്ക് വഴി സർവേയിൽ പങ്കെടുക്കാം.

Saudi Arabia’s Ministry of Hajj and Umrah has introduced a multilingual online survey to evaluate pilgrim satisfaction after the 2025 Hajj season. Available in nine languages, the survey invites both domestic and international pilgrims to share their experiences, aiming to enhance services in line with Vision 2030. Feedback will directly contribute to improving the quality and efficiency of the Hajj journey. Access the survey at https://hajsurvey.com/departure_survey.