ന്യൂഡൽഹി: ഇറാൻ - ഇസ്‌റാഈൽ യുദ്ധത്തിന്റെ അടിസ്ഥാനത്തിൽ ഇസ്‌റാഈലിൽ നിന്ന് പുറത്തുപോകാൻ ആഗ്രഹിക്കുന്ന ഇന്ത്യൻ പൗരന്മാരെ ഒഴിപ്പിക്കാൻ തീരുമാനിച്ചതായി വിദേശകാര്യ മന്ത്രാലയം അറിയിച്ചു. ഇന്ത്യക്കാരെ തിരിച്ചെത്തിക്കാനുള്ള ‘ഓപ്പറേഷൻ സിന്ധു’ ദൗത്യത്തിന്റെ ഭാഗമായാണ് ഇസ്‌റാഈലിൽ ഉള്ള ഇന്ത്യക്കാർ ഇപ്പോൾ മടങ്ങാൻ അവസരമൊരുക്കിയിട്ടുള്ളത്. ഇസ്‌റാഈലിലുള്ള ഇന്ത്യൻ പൗരന്മാർ ഇന്ത്യയിലേക്ക് മടങ്ങാനായി എംബസിയിൽ രജിസ്റ്റർ ചെയ്യണമെന്നും വിദേശകാര്യ മന്ത്രാലയം ആവശ്യപ്പെട്ടു.

ഇറാനിൽ നിന്ന് ഒഴിപ്പിക്കൽ നടപടികൾ തുരുന്നതിനിടെയാണ് ഇസ്‌റാഈലിൽ നിന്നും ഇന്ത്യക്കാരെ തിരിച്ചെത്തിക്കുന്നത്. മൂവായിരത്തിലേറെ ഇന്ത്യൻ വിദ്യാർഥികൾ ഇസ്‌റാഈലിൽ ഉണ്ട്. ആരോഗ്യ, ഐടി മേഖലകളിൽ ഉൾപ്പെടെ ആയിരക്കണക്കിന് ഇന്ത്യക്കാർ ഇവിടെ ജോലി ചെയ്യുന്നുമുണ്ട്. ഏറെ മലയാളികളും ഇസ്‌റാഈലിൽ ഉണ്ട്. ഇതിനിടെ ഇറാനിൽനിന്നുള്ള 110 വിദ്യാർഥികളുടെ ആദ്യ സംഘം ഇന്നലെ പുലർച്ചെ ഡൽഹിയിലെത്തി. 

ഇസ്‌റാഈലിൽ ഉള്ള പൗരന്മാരെ ഇസ്‌റാഈലിൽ നിന്ന് ഇന്ത്യയിലേക്കുള്ള കര അതിർത്തികളിലൂടെയും തുടർന്ന് ഇന്ത്യയിലേക്ക് വിമാനമാർഗ്ഗവും യാത്ര ചെയ്യാൻ സർക്കാർ സൗകര്യമൊരുക്കും. ആദ്യപടിയായി, ടെൽ അവീവിലെ ഇന്ത്യൻ എംബസി പ്രസ്തുത ഇന്ത്യൻ പൗരന്മാരെ ഒഴിപ്പിക്കുന്നതിനുള്ള ക്രമീകരണങ്ങൾ ചെയ്യുമെന്ന് മന്ത്രാലയം അറിയിച്ചു. എല്ലാ ഇന്ത്യൻ പൗരന്മാരും ഇന്ത്യൻ എംബസിയിൽ രജിസ്റ്റർ ചെയ്യാൻ അഭ്യർത്ഥിക്കുന്നതായി വിദേശകാര്യ മന്ത്രാലയം പറഞ്ഞു. 

അതേസമയം, സംഘർഷത്തിന്റെ പശ്ചാത്തലത്തിൽ ഇരു രാജ്യങ്ങളിൽനിന്നും പൗരൻമാരെ ഒഴിപ്പിക്കുന്ന നടപടികൾ വിവിധ രാജ്യങ്ങൾ ആരംഭിച്ചു. ഇന്ത്യയ്ക്ക് പുറമെ ചെക് റിപ്പബ്ലിക്, ന്യൂസീലൻഡ്, സ്വിറ്റ്സർലൻഡ്, ഓസ്ട്രേലിയ, ചൈന, ജപ്പാൻ തുടങ്ങിയ രാജ്യങ്ങൾ തങ്ങളുടെ പൗരന്മാരെ ഇസ്‌റാഈലിൽ നിന്ന് ഒഴിപ്പിക്കുന്ന നടപടികൾ തുടങ്ങി. രണ്ട് സൈനിക വിമാനങ്ങൾ ജപ്പാൻ ജിബൂട്ടിയിലേക്ക് വൈകാതെ അയക്കും. 

Amid escalating tensions and ongoing conflict between Iran and Israel, the Ministry of External Affairs (MEA) has announced the launch of an evacuation operation to assist Indian nationals wishing to leave Israel. The mission, named ‘Operation Sindhu’, aims to ensure the safe return of Indians affected by the volatile situation. As part of the initiative, the Indian Embassy in Israel has opened registrations for citizens who wish to return home. The MEA has urged all Indian nationals currently in Israel to register immediately with the embassy to facilitate their safe evacuation.