നിലമ്പൂര്‍: നിലമ്പൂര്‍ ഉപതെരഞ്ഞെടുപ്പില്‍ വോടെപ്പ് അവസാനിച്ചു. മഴയെ അവഗണിച്ച് രാവിലെ തന്നെ ബൂത്തുകളില്‍ വോട്ടര്‍മാരെത്തി. എന്നാല്‍ മഴ കാരണം, തുടക്കത്തില്‍ മന്ദഗതിയിലായിരുന്ന വോട്ടെടുപ്പ് ഉച്ചയോടെയാണ് വേഗത്തിലായത്, പോളിങ് ശതമാനം കുറഞ്ഞു. 2021ല്‍ ഇവിടെ 76.6 ശതമാനം ആയിരുന്ന പോളിങ് ഇത്തവണ 73.26 ലേക്ക് ചുരുങ്ങി.

അതേസമയം, വോട്ടെടുപ്പില്‍ ഗുരുതരമായ അനിഷ്ട സംഭവങ്ങള്‍ ഒന്നും റിപ്പോര്‍ട്ട് ചെയ്തില്ല. മൂന്ന് ദിവസത്തിന് ശേഷം, 23ന് ഫലപ്രഖ്യാപനം നടക്കും. പ്രധാന മുന്നണി സ്ഥാനാര്‍ഥികള്‍ ഉള്‍പ്പെടെ 10 സ്ഥാനാര്‍ഥികളാണ് മത്സരരംഗത്തുണ്ടായിരുന്നത്. മെയ് 25നായിരുന്നു നിലമ്പൂര്‍ ഉപതരെഞ്ഞെടുപ്പ് പ്രഖ്യാപിച്ചത്. പിവി അന്‍വര്‍ രാജിവച്ചതിനെ തുടര്‍ന്നുള്ള ഒഴിവിലേക്കായിരുന്നു നിലമ്പൂരില്‍ ഉപതെരഞെടുപ്പ് പ്രഖ്യാപിച്ചത്.

എല്‍ഡിഎഫ് സ്ഥാനാര്‍ഥി എം സ്വരാജും യുഡിഎഫ് സ്ഥാനാര്‍ഥി ആര്യാടന്‍ ഷൗക്കത്തും വോട്ട് രേഖപ്പെടുത്തി. ഷൗക്കത്ത് പിതാവിന്റെ ഖബറിടം സന്ദര്‍ശിച്ച ശേഷമാണ് വോട്ട് രേഖപ്പെടുത്തിയത്. വീട്ടിക്കുത്ത് ഗവണ്‍മെന്റ് എല്‍പി സ്‌കൂളിലാണ് ഷൗക്കത്ത് വോട്ട് രേഖപ്പെടുത്തിയത്. ചരിത്ര ഭൂരിപക്ഷം ലഭിക്കുമെന്നും ഷൗക്കത്ത് പ്രതികരിച്ചു. അതേസമയം, മാങ്കുത്ത് എല്‍പി സ്‌കൂളിലാണ് എല്‍ഡിഎഫ് സ്ഥാനാര്‍ഥി എം. സ്വരാജ് വോട്ട് രേഖപ്പെടുത്തിയത്. ചുങ്കത്തറ മാര്‍ത്തോമ ഹയര്‍സെക്കന്‍ഡറി സ്‌കൂളിലാണ് എന്‍ഡിഎ സ്ഥാനാര്‍ഥി മോഹന്‍ ജോര്‍ജ് കുടുംബത്തോടൊപ്പം വോട്ട് ചെയ്തത്.

കഴിഞ്ഞ നാലാഴ്ചയോളം നിലമ്പൂര്‍ രാഷ്ട്രീയ കേരളത്തിന്റെ തീവ്ര പ്രചാരണത്തിന് സാക്ഷിയായി. തദ്ദേശ തിരഞ്ഞെടുപ്പിനും നിയമസഭാ തിരഞ്ഞെടുപ്പിനും മുന്നോടിയായുള്ള 'സെമിഫൈനല്‍' എന്ന നിലയില്‍ മുന്നണികള്‍ ഈ ഉപതിരഞ്ഞെടുപ്പിനെ കണ്ടത്.

The Nilambur byelection has witnessed a significant voter turnout despite intermittent rain. As of 5 PM, the polling percentage stood at 70.76%, with voters enthusiastically casting their ballots from morning onwards. The election, necessitated by the resignation of LDF MLA P.V. Anvar, will determine the new representative for the constituency. With voting still open until 6 PM, the final turnout is expected to exceed 75%, mirroring the 75.23% recorded in the 2021 assembly elections ¹.