തെല്‍ അവീവ്: അല്‍ ജസീറക്കെതിരെ വീണ്ടും ഇസ്‌റാഈല്‍. അല്‍ജസീറയുടെ പ്രക്ഷേപണം രാജ്യത്ത് അനുവദിക്കില്ലെന്ന് ആഭ്യന്തര സുരക്ഷാ മന്ത്രി ഇറ്റാമര്‍ ബെന്‍ഗ്വിര്‍. രാജ്യത്ത് അല്‍ ജസീറ ചാനല്‍ കാണുന്നവര്‍ ആരായാലും അവരെ കുറിച്ചുള്ള വിവരം പൊലിസില്‍ റിപ്പോര്‍ട്ട് ചെയ്യണമെന്നും മന്ത്രി മാധ്യമങ്ങള്‍ക്കു മുന്നില്‍ പറഞ്ഞു.  നെതന്യാഹു മന്ത്രിസഭയിലെ തീവ്ര വലതുപക്ഷക്കാരനായ മന്ത്രിയാണ് ബെന്‍ഗ്വിര്‍.

ALSO READ: ഖാംനഇയെ വധിക്കുക തന്നെ ചെയ്യുമെന്ന് ഇസ്‌റാഈല്‍,  അതാണ് യുദ്ധത്തിന്റെ പരമലക്ഷ്യമെന്ന് ഇസ്‌റാഈല്‍ പ്രതിരോധമന്ത്രി; വധഭീഷണി വെറും വിഢിത്തമെന്ന് ഹിസ്ബുല്ല

അല്‍ ജസീറ ചാനലിനെ ഇസ്‌റാഈലില്‍ നിന്ന് സംപ്രേഷണം നടത്താന്‍ അനുവദിക്കില്ല. ചാനല്‍ കാണുന്ന ആരെങ്കിലും ഉണ്ടെങ്കില്‍ അവരെക്കുറിച്ച് ശബാക്കിന് (ഇസ്‌റാഈലി ആഭ്യന്തര ഇന്റലിജന്‍സ്) വിവരം നല്‍കണം. അല്‍ ജസീറ ഇസ്‌റാഈലിന്റെ ആഭ്യന്തര സുരക്ഷക്ക് ഭീഷണിയാണ്-ബെന്‍ഗ്വിര്‍ പറഞ്ഞു. ഇറാന്‍ ആക്രമണത്തില്‍ ഇസ്‌റാഈലിലുണ്ടായ നാശനഷ്ടങ്ങള്‍ അല്‍ ജസീറ ലോകത്തിന് മുന്നിലെത്തിച്ചതാണ് മന്ത്രിയെ പ്രകോപിപ്പിച്ചത്.

Itamar Ben-Gvir:

“We will not allow Al Jazeera to broadcast from Israel. I call upon everyone who watches Al Jazeera, all citizens, to be reported to the police. Shabak is dealing with this matter. Al Jazeera poses a threat to state security. pic.twitter.com/jY2Z9LoebA

— PalMedia (@PalMediaOrg) June 19, 2025

ഈ വര്‍ഷം ജനുവരിയില്‍ ഹമാസുമായി ഇസ്‌റാഈല്‍ വെടിനിര്‍ത്തല്‍ കരാറില്‍ ഒപ്പുവെച്ചതിന് പിന്നാലെ ബെന്‍ഗ്വിര്‍ മന്ത്രിസഭയില്‍ നിന്ന് രാജിവെച്ചിരുന്നു. ബെന്‍ഗ്വിര്‍ ഉള്‍പ്പടെ യെഹൂദിത് പാര്‍ട്ടിയുടെ മൂന്ന് കാബിനറ്റ് മന്ത്രിമാരാണ് അന്ന് രാജിവെച്ചത്. വെടിനിര്‍ത്തല്‍ പിന്‍വലിച്ച് ഇസ്‌റാഈല്‍ ഗസ്സയില്‍ രൂക്ഷമായ ആക്രമണം പുനരാരംഭിച്ചതിന് പിന്നാലെ മേയിലാണ് ബെന്‍ഗ്വിര്‍ വീണ്ടും മന്ത്രിസഭയില്‍ ചേര്‍ന്നത്.

BREAKING: Ultranationalist Israeli Minister of National Security, Itamar Ben-Gvir, calls on the public to report anyone watching Al Jazeera to the police. pic.twitter.com/R8rHm6kklE

— Quds News Network (@QudsNen) June 19, 2025