ഗുലാത്തി ഇന്‍സ്റ്റിറ്റ്യൂട്ട് ഓഫ് ഫിനാന്‍സ് ആന്റ് ടാക്‌സേഷന്‍ നടത്തുന്ന പിജി ഡിപ്ലോമ ഇന്‍ ജിഎസ്ടി കോഴ്‌സിന് ജൂലൈ 7 വരെ അപേക്ഷിക്കാം. ബിരുദമാണ് അടിസ്ഥാന യോഗ്യത. അവസാന വര്‍ഷ ബിരുദ വിദ്യാര്‍ഥികള്‍ക്കും അപേക്ഷിക്കാം. 

ഒരു വര്‍ഷമാണ് കോഴ്‌സിന്റെ കാലാവധി. ഓണ്‍ലൈനായും, ഓഫ്‌ലൈനായും ഹൈബ്രിഡ് മാതൃകയില്‍ 180 മണിക്കൂര്‍ പരിശീലനം നല്‍കും. അര്‍ദ്ധ സര്‍ക്കാര്‍, പൊതുമേഖല ജീവനക്കാര്‍, പ്രവാസികള്‍, റിട്ടയര്‍ ചെയ്തവര്‍, മുതിര്‍ന്ന പൗരന്‍മാര്‍ എന്നിവര്‍ ഉള്‍പ്പെട്ട 14 വിഭാഗങ്ങള്‍ക്ക് ഫീസിളവ് ഉണ്ടായിരിക്കും. 

കോഴ്‌സിന്റെ സിലബസ്, ഫീസ് തുടങ്ങി കൂടുതല്‍ വിവരങ്ങള്‍ക്ക് https://www.gift.res.in/ സന്ദര്‍ശിക്കുക. 

ഹെല്‍പ്പ് ലൈന്‍ നമ്പര്‍: 0471 2596970
മൊബൈല്‍: 9446466224, 9446176506, 9995446032

കൂടുതല്‍ education വാര്‍ത്തകള്‍ക്ക് ഗ്രൂപ്പില്‍ ജോയിന്‍ ചെയ്യുക

ഐ.ടി.ഐ

കേരള സംസ്ഥാനത്തെ സർക്കാർ ഐ.ടി.ഐ കളിൽ SCVT, NCVT അഫിലിയേഷനുള്ള ട്രേഡുകളിലേക്കുള്ള 2025 വർഷത്തെ പ്രവേശനത്തിന് അപേക്ഷ ക്ഷണിച്ചു. പ്രോസ്പെക്ടസ് https://det.kerala.gov.in ൽ പ്രസിദ്ധീകരിച്ചിട്ടുണ്ട്. ഓൺലൈൻ അപേക്ഷ ജൂൺ 30 നകം സമർപ്പിക്കണം. അപേക്ഷകർ ജൂലൈ 3 നകം തൊട്ടടുത്തുള്ള സർക്കാർ ഐ.ടി.ഐകളിൽ അപേക്ഷ വേരിഫിക്കേഷൻ പൂർത്തിയാക്കണം. https://itiadmissions.kerala.gov.in വഴിയും https://det.kerala.gov.in ലുള്ള ലിങ്ക് മുഖേനയും അപേക്ഷ സമർപ്പിക്കാം. കൂടാതെ സംസ്ഥാനത്തെ എല്ലാ സർക്കാർ ഐ.ടി.ഐകളിലും ഓൺലൈനായി അപേക്ഷ സമർപ്പിക്കുന്നതിനുള്ള ഹെൽപ് ഡെസ്ക് സൗകര്യം ഒരുക്കിയിട്ടുണ്ട്.

ഗവ. എ.വി.ടി.എസ് കളമശ്ശേരി

ഗവ. എ.വി.ടി.എസ് കളമശ്ശേരിയിൽ നടത്തുന്ന ഓപ്പറേഷൻ ആൻഡ് മെയിന്റനൻസ് ഓഫ് മറൈൻ ഡീസൽ എൻജിൻസ് എന്ന മൂന്ന് മാസം ദൈർഘ്യമുള്ള ഗവ. അഡ്വാൻസ്ഡ് ഷോർട്ട് ടേം കോഴ്‌സിലേക്ക് അപേക്ഷ ക്ഷണിച്ചു. അപേക്ഷകൾ ഐ.ടി.ഐ കളമശ്ശേരി ക്യാംപസിൽ പ്രവർത്തിക്കുന്ന ഗവ. എ.വി.ടി.എസ് കളമശ്ശേരിയിൽ നേരിട്ട് നൽകാം. ഐ.ടി.ഐ ട്രേഡുകളായ മെക്കാനിക് മോട്ടോർ വെഹിക്കിൾ, മെക്കാനിക് ഡീസൽ എന്നിവയിൽ എൻടിസി/എൻഎസി അല്ലെങ്കിൽ മൂന്ന് വർഷത്തെ പ്രാക്ടിക്കൽ പ്രവൃത്തിപരിചയവുമാണ് മിനിമം യോഗ്യത. കൂടുതൽവിവരങ്ങൾക്ക്: 0484-2557275, 9847964698.