ന്യൂഡല്‍ഹി: ഇസ്രാഈല്‍- ഇറാന്‍ സംഘര്‍ഷം കനക്കുന്ന സാഹചര്യത്തില്‍ ഇറാനില്‍ കുടങ്ങിയ ഇന്ത്യന്‍ വിദ്യാര്‍ഥികളെയും വഹിച്ചുള്ള രണ്ട് വിമാനങ്ങള്‍ കൂടി ഡല്‍ഹിയിലെത്തി. മഷ്ഹദില്‍ നിന്നുള്ള വിമാനത്തില്‍ 290 ഇന്ത്യക്കാരാണ് ഉള്ളത്. ഇന്ത്യയുടെ ഓപ്പറേഷന്‍ സിന്ധുവിന്റെ ഭാഗമായാണ് വിദ്യാര്‍ഥികളെ തിരികെ കൊണ്ടുവരുന്നത്. 

അഷ്ഗാബത്തില്‍ നിന്നുള്ള അടുത്ത വിമാനം ഇന്ന് രാവിലെ 10 മണിയോടെയും, നാലാമത്തെ വിമാനം വൈകിട്ടോടെയും രാജ്യത്തെത്തും. 

ഇന്നലെയെത്തിയ ആദ്യ വിമാനത്തില് 290 പേരാണ് ഉണ്ടായിരുന്നത്. പുലര്‍ച്ചെ എത്തിയ രണ്ടാമത്തെ വിമാനത്തില്‍ 200 ലധികം പേരുണ്ടായിരുന്നു. ജമ്മു കശ്മീര്‍, ഡല്‍ഹി, ഹരിയാന, കര്‍ണാടക, ബംഗാള്‍ എന്നിവിടങ്ങളില്‍ നിന്നുള്ളവരാണ് ഇവരില്‍ അധികവും. ഓപ്പറേഷന്‍ സിന്ധുവിന്റെ ഭാഗമായി ആയിരം ഇന്ത്യക്കാരെയാണ് നാട്ടിലെത്തിക്കുന്നത്. ദൗത്യത്തിനായി ആവശ്യമെങ്കില്‍ കൂടുതല്‍ വിമാന സര്‍വീസുകള്‍ നടത്തുന്നതിന് സൗകര്യമൊരുക്കുമെന്ന് ഇറാന്‍ എംബസി അറിയിച്ചിട്ടുണ്ട്. 

ALSO READ: നാളെ മുതല്‍ വീണ്ടും മഴ; ന്യൂനമര്‍ദ്ദവും ഒപ്പം ചക്രവാതച്ചുഴിയും സജീവം; മുന്നറിയിപ്പ് 

Under the leadership of Hon'ble PM @narendramodi Ji, 110 Indian students stranded in Iran were brought home safely under #OperationSindhu.

They arrived in New Delhi on a special flight from Yerevan, Armenia. A heartfelt reminder that no matter how far, India never leaves its… pic.twitter.com/VnKhbTu8fi

— Vijender Gupta (@Gupta_vijender) June 19, 2025